2009年12月12日 星期六

2009-12-12 (Sat) A1午餐.購物.風雲II.M記晚餐.The proposal(求婚的惡魔)

 
  
  
  
 


媽咪呢幾日要食蛋白質餐,即係多d肉,樓下茶餐廳既早餐唔岩,所以今日一起身,我就同佢出左葵芳A1食午餐!



 
  
  
  
 


媽咪食雞扒餐:



 
  
  
  
 


我食墨魚麵意粉:



 
  
  
  
 


跟住兩母女刺激經濟,媽咪買左對鞋:



我買左兩對可愛耳環:



 
  
  
  
 


仲係G & Angie買左兩件衫,其實少少貴架,但見幾靚,又貪唔會撞衫,就決定買啦;買時因為兩件再有折,就叫埋媽咪買埋佢試左但又唔係勁鐘意個件,見佢猶豫不決,我就話少少地當送比佢聖誕禮物啦!


我的:



媽媽的(黑色個邊其實縫晒閃石架, 都唔錯架, 仲係兩邊交錯既設計, 幾特別架!!):



 
  
  
  
 


跟住我地返青衣城繼續行,去到又見到d傻人打蛇餅都要排隊影Sanrio既聖誕裝飾!



 
  
  
  
 


我地就去左星巴克抖下,回下d腳骨力,嘆返杯咖啡先~~



媽咪飲Latte,我就飲Toffee Nut Latte:



 
  
  
  
 


等左陣,太陽哥哥都收工黎到啦,我地先買飛睇風雲II,Citibank張咭呢期真係正爆呀,只要有當月一千蚊簽咭收據,就可享有當月嘉禾院線星期六日睇戲買一送一優惠!呢個優惠仲係出年成年都係呢,真係抵爆!



大家鐘意步驚雲定聶風多d呢?



 
  
  
  
 


睇完戲又唔係點肚餓,就去左M記,因為我想試新出既蝦堡!



蝦堡唔錯,因為有我鐘意既千島醬,不過唔係咁夠醬,下次要多醬先得!新出既磨菇粟米湯都好好味,足料,好味過MOS Burger既湯呢!



 
  
  
  
 


太陽哥哥聽日要楂車,所以十二點就訓啦,我就自己煲碟,煲左套The proposal(求婚的惡魔),我覺得好好睇,有笑有淚,讚!



 
  
  
  
 


沒有留言:

張貼留言