2009年9月21日 星期一

2009-09-21 (Mon) 大日子前夕

 


大日子前夕,係非常非常忙碌既!有好多野要預備,多都數唔晒,亦唔記得晒,總之好多好多...而好多好多我都冇時間影相,太忙太亂了!


呢d係尋晚太陽哥哥cut好既檯號同菜譜,放係每張檯度架,我覺得好靚好有創意,係我自己好鍾意既其中一樣!



 


今朝太陽哥哥一早攞左車後,先攪其他野,我就去整指甲,約好兩點去攞衫;先食個 lunch,呢餐係我同太陽哥哥單身前的最後一個午餐!哈哈~~



 


攞衫都冇影相,攞完後去左金都,拎易拉架;呢兩幅畫一睇就知係太陽哥哥畫架啦,配埋嫁娶字眼,好有意思,好有創意,我又係好鍾意架!



除左拎易拉架外,仲有拎埋車頭公仔:



 


另外仲買左兩紮送比兩位媽媽既花,我地想歷久常新,所以買了假花!其次仲去左買乳豬券、訂回門豬,呢兩樣咁重要既事一路都忘記左,係今朝去廁所時先記得!之後買埋西餅就返屋企啦!



 


一返黎Elsa就幫我掛好晒d禮服:



 


真係多謝elsa呢位得力助手,佢好有系統咁幫我預備晒各樣物資!



 


聽日個大電視都會搬出去用呢!



姊妹們九點鐘黎到屋企開會同幫手整接新娘既野,我地就叫左外賣食野,呢餐係單身前既最後一餐晚餐呀!哈哈~~一食完太陽哥哥就走啦,佢仲有好多野整,包括交架車比victor、拎整氣球既stands、抹車、封利是等等...可能包括埋去玩,哈哈!不過我都冇時間理佢同check佢,我地都忙到成兩點先訓...好辛苦呀!




成間屋都放滿晒野,極混亂!好在最後決定聽朝都係係媽咪個邊化妝出門,唔係咁亂都唔知點算,呢邊就留比姊妹們化妝同set up!



差唔多攪掂後,同我班好姊妹影返張相留念先,聽日就唔再係Miss Cheung而係Mrs Lam啦!



 


跟住過媽咪個邊食湯丸,呢刻我已經開始好感觸啦!聽日就係一個新開始,am i ready??



媽咪同威哥黐對聯,因為我太忙,我仲未燒帶去酒樓既CDs呀,幫唔到手了...



 


今晚琪琪同tracy係度陪我訓,就係佢兩個陪住我過last single night,值得紀念!佢地既姊妹裙都掛好啦,一齊準備就緒,擔心+緊張!擔心仲有咩未做未預備唔記得帶,緊張聽日一切順利嗎?



 


沒有留言:

張貼留言