2009年9月15日 星期二

2009-09-15 (Tue) 開始放假.最後一次睇場

 
 
 
 
 
 
 
 
 
 
 


下星期二就結婚啦,仲有好多野未攪,所以我今日就開始放假!但咁岩八號風球,無左半日,不過返去應該可以扣返既!十點一落波,我地就同舅父一家去青衣城飲茶,呢排一路都好忙,佢地黎左個幾禮拜,住係隔離屋都好少見,我諗今日開始放假就可以同佢地食多幾餐見多d面,話晒佢地都係特登係美國返黎飲我個餐麻!



上次係泉章居第一次食飯竟然唔記得影相,今日記得啦,第一次同舅父一家影相,一定要影呀,因為我整緊個結婚MV,係想出晒我所有賓客個樣架!



 
 
 
 
 
 
 
 
 
 
 


飲完茶我就返屋企努力製作MV,要咁早放假都係因為咁!夜晚約好左再去睇多最後一次婚宴場地,因為太陽哥哥要度位,同埋上次唔記得試DVD呢!婚宴場地過埋今晚後,一路到月尾,晚晚都要擺酒,係晚晚呀,所以我地今日一定要去多次!咁岩舅父佢地都冇野做,就一齊黎埋,咁表妹表弟就可適應下個場,順便試下個琴!


去到觀塘後,會合太陽哥哥,我地先去Megabox揀氫氣球,最後仲買多兩個好wedding feel 既錫紙氣球:



揀完氣球就返德福食野,我地去左嚐越:



又係影相時間,影多幾張,多d選擇麻!



 
 
 
 
 
 
 
 
 
 
 


兩兄妹:



我地都有影:



 
 
 
 
 
 
 
 
 
 
 


跟住食野啦,我叫佢地每人都要影,仲要做好好味個樣,佢地好合作呀,非常配合,原來佢地係咁鬼馬架!



 
 
 
 
 
 
 
 
 
 
 


跟住我地就去婚宴場地啦,一去到就表妹表弟先夾下march-in個度,我就試機,太陽哥哥就度位,分工合作~~Elaine睇左我地個rundown後,話我地一齊係樓梯進場既安排有少少怪,建議兄弟姊妹係入口進場,新人係樓梯!咁岩我地今日咁多人黎,就不如即席示範啦,順便夾埋表妹彈住琴咁行一次!


表弟負責影相,但set錯左mode,所以影到陣晒瞙晒,不過唔緊要啦,都睇到做緊d咩;最重要係,我覺得今日屋企人同舅父一家一齊幫我 rehersal,我覺得好有意義同紀念價值,好難忘,好開心!


兄弟姊妹進場:



行到樓梯口等新人出場:



新人出場啦:



再繞場一週,留意舅父同威哥,仲拍緊手架,真係好認真,我地行到咁遠都仲望住我地同拍緊手,唔通佢地已經幻想緊我著住婚紗個樣,覺得好靚,睇到眼都唔眨?哈哈!



 
 
 
 
 
 
 
 
 
 
 


沒有留言:

張貼留言