2011-06-22 (Wed) 整頭髮．15分鐘速食『爭鮮回轉壽司』

今晚跟太陽哥哥一齊去剪髮，我放工先去，一直掙扎前陰應該繼續留長定剪短；經同髮型師商議後，反正我係一個怕熱多於貪靚的人，前陰就算係長，但係好熱天時我都會夾起晒，變左師奶look；既然留得黎又抵受唔到熱天時"嬲"住塊面的折磨，不如剪短吧！但礙於我頭髮一向微曲，剪短時一定會彈起，所以係剪前先做"Part 1"，Part 1係做數碼電髮時的第一步，作用於軟化頭髮，但又唔係舊時代個種拉直板的電直；咁到時前陰剪短了都唔會彈起，會變得貼服！

洗頭後～～估唔到我前陰已經留到咁長，成隻鬼咁！

仲要搽ｄ白色野整多一part：

跟住洗完吹乾，就開始剪，剪了一半有多呀，剪短後個樣仲變得細個好多！

離開髮型屋時已經十點多，我地都超肚餓，即刻搵野食！醒得爭鮮好抵食，咁夜又應該唔洗排隊啦！去到十點三，問佢關門未？佢話十點半，得返15分鐘，我地OK就可入黎食；太肚餓，咩都唔理，我地就衝入去係咁食喇！

我地一路食一路睇錶，得返十分鐘咋．．．五分鐘咋．．．個迴轉帶可以郁快ｄ嗎？哈哈～～

叫食各放回保鮮帽，識閃燈的，好得意！

其實15分鐘係夠食架，因我地都唔係食太多飯，但迴轉帶上面剩餘的刺身都比我地拎了，實在太少．．．最後幾分鐘先發現原來可order廚師另外整的，包括刺身及小食都係，食呢ｄ好過食壽司呀，即刻加左北寄貝／魚刺身，仲有螺肉！最後我地食左16碟，平均一分鐘一碟，今餐食飯真好玩！哈哈～～

時間咁趕，食飽先係門口影返相！哈哈～～原來爭鮮用『回轉』而唔係『迴轉』！