探完Kammy後坐隧巴過銅鑼灣，好快咋喎，原來係我心目中好避的土瓜灣都OK方便喎！落車時太陽哥哥已驚我迷路咁企定定係巴士站等我啦！
今晚我地又試新野(對我地黎講) - 『太平館餐廳』，我就第一次黎，太陽哥哥就十幾年好細個時黎過一次。
M原來解米芝蓮推介：
餐廳唔大，一眼望晒，我個人略嫌呢度太嘈。
湯入面勁多料：
第一次黎梗係食招牌菜啦，燒豬脾同瑞士雞翼都係其一推介！
無拿拿上個焗豬扒飯，先知未睇清楚瑞士雞翼餐的內容！哈哈～～
多謝太陽哥哥帶我試新野，我今晚好開心！其實我地呢排感情都突飛猛進，感情好左好多呢！真係唔可以比生活忙碌磨蝕感情架，要 keep 住感情，一定要多ｄ拍拖！
甜品～～我仲想試乳鴿同梳夫厘架，不個個肚冇quota啦！
跟住上教協買Neutrogena，上次係旺角教協miss左，想再去買時已轉左去銅鑼灣；上到黎見到好多人！
約出面三分二價錢，激抵丫！
我都買左９樣野，埋單六百多，送四片mask，即多得五分四盒mask架啦！
沒有留言:
張貼留言