今朝九點幾就收到媽咪電話，佢本應約了下午跟姑媽姑丈去長洲架，我冇諗住去，但佢突然打黎話姑媽話宜家一齊去上環飲茶先，仲叫埋我！
係香港站慢慢行去上環潮江春，先係 IFC 買杯 Häagen-Dazs 食！
飲茶時三個女人係咁講裝修，佢地對媽咪的裝修都好有興趣咁．．．
我同姑丈就坐埋一邊，我咪同姑丈吹下水啦，幾 friend！
黎時我冇諗住跟埋佢地入長洲架，諗住飲完茶就閃，但飲完茶時都一點，太陽哥哥話放工後想去上環中環睇雪褸雪褲；為避免浪費過海費，我最後都決定入長洲行下，但就唔會同佢地食晚飯，會坐返四點幾船出黎。
碼頭的小食檔激抵，飲品只係三蚊罐；我仲及到姑丈買啤酒，有相為證！哈哈！
好多人呀～～～
不過落船先知，今日有白事，仲同我地一架船，見到時有點心寒呢！
我地坐一點三慢船，去到長洲兩點幾，天氣好好，好舒服呀！
不過今日長洲都有喜事呀～～
張保仔館～～攪笑！
諗住食張記魚蛋，點知多人到爆．．．
唯有周圍行下，見到占美買過比我地食既『反斗奇冰』蛋卷！
今日我係咁幫佢地影相～～
不過每次影佢地時，姑丈實走開，有圖為證！
去街市睇定今晚食咩海鮮喎，呢度ｄ海鮮真係大隻過市區好多呀，我見到都流口水！
去左甘永泰買野食，姑丈話好出名哥喎，一連幾個鋪位；買了一串十蚊的丸，我覺得好貴呢，亦唔覺勁好味啫！
仲有雞脾雞翼，都係好普通啫！
不過間甘永泰真係好勁，我地之後行完海灘飲埋野出黎，見到排晒長龍，洗唔洗咁誇呀？！
之後我地去行沙灘～～
向滑浪風帆第一灘同李麗珊的cafe行去，沿住沙灘行到盡頭直昇機坪個度(相片的右邊中間)就係啦，我之前黎長洲都冇試過行到咁入呢！
沿途:：
差唔多到啦！
珊珊的 cafe：
上樓梯去 cafe 時，望到後面就係滑浪風帆第一灘，呢個小沙灘好靚丫！
珊珊的 cafe 對正直昇機坪同大海，個view一流，好舒服好舒服！二人檯的設計仲係風帆形狀添～～
食完 tea 就跟滑浪風帆第一灘合照：
跟住行返出碼頭，我差唔多閃了～～
沿途：
好多壁畫：
出黎時好多遊人，好誇張！
好巨的薯片賣：
中間隻雞流緊口水定蜜糖？
大到成粒乒乓波咁大的魚蛋！
一間cafe內的靚畫：
長洲先有咁細架的消防車：
三個女人一個墟，咁認真商討緊咩？
海味是也！
我走啦，拜拜～～
我坐四點九快船走，只係入左黎兩個幾鐘，長洲短遊吧！姑丈係咁叫我唔好走，一齊食海鮮，仲叫我叫太陽哥哥一齊黎；但太陽哥哥會怕羞，所以我最終都係走～～
返到香港碼頭見到 Cartier 鋪晒紅地毯，今晚好活動呀，入口個人仲係黑鬼保鏢黎架！
睇完坐叮叮去銅鑼灣，沿途試下 S95 影夜景係咪真係咁靚先，架電車一路行緊兼冇閃光，都影得好清又夠光！
係 IFC 會合太陽哥哥後，先係商場行下，好巨型的聖誕裝飾呀！
先去中環配藥膏，再去擺花街X-Game睇雪褸雪褲，跟住上環永樂街．．．
去銅鑼灣再睇Quicksilver & X-Game！
因為想睇義海豪情，我又仲好飽，冇係街度食晚飯，返左屋企煮麵食！今餐太陽哥哥負責，仲煎埋荷包蛋，今晚先知佢煎蛋原來好強，單手打蛋兼反蛋，係唔爆架！
沒有留言:
張貼留言