尋晚同太陽哥哥係旺角行完街，佢帶左我去『添好運點心專門店』，黎到先明，點解前一晚去左旺角，佢今日又要去．．．話說個日睇完煞破天劫，急步行過黎添好運，呢度關晚上十點，我記得上網睇過有人九點八去到都仲趕得切；但我地九點八黎到，佢唔比我地入呀！點解唔早ｄ黎？咪因為長期大排長龍囉！諗住臨收工先黎咪唔洗等囉！
太陽哥哥知我想試，所以今日先再黎旺角！
但平時時間黎，咪就係咁場面．．．
『添好運點心專門店』係米芝蓮點心店，廚師係黎自四季酒店中菜廳的點心部主管；睇過雜誌話呢間野好勁，點心又好味，一直想試但又怕排隊，所以遲遲未試到！
門口好多剪報，我地都跟推介點黎食！
排隊排到要出告示，真係誇！
黎到攞飛要等成廿幾個號碼，間鋪又唔係大間，咪要等一兩轉？我一向頂唔順排隊，最好決定叫外賣，頂多上巴士即食！
酥皮叉燒飽係招牌菜之一，我地上巴士即食！唔～～真係好好味呀！
返到屋企繼續食，蝦餃同豬潤豬亦係招牌菜，堅正！炸野麻麻，可能唔係即食；牛肉我唔食既，所以 no comment，不過太陽哥哥話幾好喎！
沒有留言:
張貼留言