2010年11月26日 星期五

2010-11-26 (Fri) 突如其來的早餐約會.NLP家長工作坊



今朝大約仲有十分鐘就要出門口時,聽到媽咪屋的開門聲,心諗佢咁早出街?即刻開門睇下,真係喎!原來細妹唔舒服,睇完醫生先返工,所以同媽咪一齊去食早餐先!攪錯,食早餐都唔叫我...佢地個刻先問我去唔去,我就請左一個鐘 time off,同佢地食一頓好少有的 weekday breakfast 喇!



好豐富的每週精選早餐:




公司攪左個 NLP 家長工作坊,雖然具體我唔識講,但我知 NLP 係近年出晒名的好野,所以當收到章程時,見到大大隻字 NLP 就吸引左我望下;其實我都冇小朋友,但就即刻諗起表姐+諾諾,於是好隨意咁問下表姐有冇興趣,點知佢又有喎!我咪幫佢check下家屬可唔可以參加,點知又得喎!咁我又問下會員唔去,家屬自己去得唔得,點知又可以喎!


不過最後表姐叫我陪佢去,當學多d野,又免費既,而我又覺得學下d正面野都有好處,於是我都報左名!最攪笑係原來 Phoebe 都有報呀,所以黎緊四個星期,我地三條Quenn都會一齊去上堂!


由於放工時間同課堂開始只有十五分鐘相隔,時間好趕,表姐好好咁黎接我地去!不過呢個工作坊始終係免費,我地對質素都有點懷疑,所以抱住第一堂試下的心態;但上完第一堂,感覺好好,講者Uncle Stanely亦好幽默,起碼一向一上堂就會訓覺既我,全程都冇恰眼訓,聽足兩個鐘,我都覺得自己好強呀!


呢一堂都令我學識左一d好好既概念,而我都感覺到同表姐教諾諾個套都好近似,表姐真係一位好掂的媽媽呀,我自己都好期待黎緊既課堂!



上完堂趕返太陽家度食飯,返到去都八點九,太陽爸媽同太陽哥哥仲等緊我一齊開飯,原來太陽哥哥miss左我上堂時send比佢叫佢地食飯先的SMS...攪到我超唔好意思!太陽媽媽今晚煲的鮑魚粥好正呀,我叫左佢地下個星期食飯先唔洗等我架啦!



沒有留言:

張貼留言