兩個星期前已約好了今天的約會，非常期待，好在今日身體已冇問題，可以赴會！點解咁期待？因為有車車呀！Didi 近來出多部車，跟老公情侶車，一藍一粉紅，型爆啦！難得佢宜家有自己車，可自己話事，要出黎就出黎，要去邊就去邊，我地梗係即刻約相聚；而難得有車，梗係去ｄ平時少去又特別既地方啦！
多得欣提議，我地去左機場附近的航天城高爾夫球場食晏；呢度好 high呀，入左閘見到遠處有兩個保鑣，我地仲以為有勁人係度；但食完飯仲見佢地係度，應該係長期係度駐守既，頓時覺得自己好似闊太咁，去左ｄ有錢人地方一樣！
原來 R2 係出自Subaru，花名係掃巴佬，真係今日先知！車身好細，車仔一名，650cc，我聽完都打左突，咁少？睇唔出喎！不過細cc的好處係慳油，每公里只係七八亳，又真係超抵，養得過！
Didi 用水晶黐左愛女個名係車尾，kawaii 呀！
航天城高爾夫球場內的泰國餐廳 - Erawan Thai：
可坐室內或室外，室外可飽覽整個高爾夫球場；但由於室外已滿，我地唯有坐室內啦！
天花的燈／風扇，好靚呀！
同好姊妹影下相先～～
開餐啦～～
我地呢餐食左成兩個半鐘，跟住出室外行下，出面個景好正呀！
望住呢個咁大既高爾夫球場食飯，真係舒服！
成日有飛機係上空經過：
影張自拍合照先～～
另外一位姊妹高醫生放工，收到 call 後我地就起程去荃灣與佢會合！
呢程由我掌舵，Didi 投以十萬個放心比我盡情楂，真係多謝佢的信任喇！雖然平時冇咩楂車，未開車時都緊張架，好似唔記得ｄ手掣腳掣係邊咁；加上我以前部車係軚波黎架，怕楂手波會唔慣；點知一撻匙，感覺自然返返黎，點講呢．．．呀，就好似平時打中文咁，如果您叫我up個倉頡碼出黎，我係up唔出架，但當對手一放上鍵盤，就好自然會啪啪啪咁打到晒ｄ字出黎架，就係exactly呢種感覺！
由機場經青馬楂返出市區，全程高速公路，最安全不過；加上車速限制較高，感覺亦好爽呢！今日能重拾楂車感覺，好玩呀！
係荃新天地滿記會合 Kim，一齊食下糖水吹下水先！
跟住上左萬景峰Kim的愛居參觀，Kim早我一個月結婚，不過我地一年多後的今天才有機會參觀佢新居！
大約玩到六點半，姊妹相聚的半天行程劃上完美句號，今日真係好開心呀！跟讀書時代的好友相聚，會令我諗起媽咪有時跟 Aunite Stella & Auntie Florence 見面一樣；我地會慢慢長大慢慢老，跟住成家立室，但情誼不變，間唔中會約出黎見下面，感覺好 warm！
之後約左太陽哥哥係旺角行街食飯，其實我有ｄ攰架啦，仲想返屋企添；不過太陽哥哥咁辛苦搵完錢想行下街，我梗係會陪下佢啦！今日寫左咁多日頭時間，晚上部份留返聽日待續啦～～
沒有留言:
張貼留言