‎2010-11-03 (Wed) Cooking Class：味菜鮮魷．雪梨水

近來跟媽咪學整味菜鮮魷，咸菜同魷都唔太難處理，呢味餸都唔難煮，但我個人唔係咁鐘意食咸酸菜。

近排天氣凍，媽咪狂煲雪梨水比我，原來好容易整架咋；買一打雪梨＋一包糖冬瓜就攪掂！今次我仲幫媽咪切雪梨添～～

煲好啦，好滋潤架！

屋企有好多個雀巢雪梨茶樽，媽咪就用返佢地黎裝新鮮的雪梨茶，成個製毒工場咁；裝完真係會誤會係買返黎既雀巢雪梨茶呀！

一個樽接近一公升，我就係咁帶一支返公司飲架啦！

加埋細妹新買比我既環保袋，裝野飲返公司一流！