2008年10月23日 星期四

2008-10-23 (Thu) Nok Nok的一歲生日禮物...買邊樣好呢?


Nok Nok豬下星期就一歲啦,我呢個表姨點會唔記得!記得Nok Nok細個時塊面肥嘟嘟,成個麵包超人咁,表姐夫都忍唔住買左個麵包超人公仔比佢,所以今次生日,我一心都諗住買麵包超人玩具比佢,等佢對住多d就更加似樣,哈哈!



 


呢個用黎畫公仔架,支筆先入水,跟住畫落張mat度,大概十分鐘,公仔會自動消失,idea好似神奇畫板咁,用完又可摺埋,又可以reuse夠環保又慳位,最重要夠大塊,70x70cm!





呢塊drawing mat 同上面個塊idea一樣,只係advanced版,剛新鮮到港,比上一塊大,100x120cm,多左架麵包超人車車,神奇之處係小朋友畫到邊,架車車會駛向邊個方向,好得意架!





麵包超人梳化,好舒服好大班椅feel!




麵包超人搖搖櫈,唔洗落公園玩啦!




呢個係傳統的神奇畫板加鋼琴仔,可能岩d,但我嫌好細個...





呢個係拉住黎玩既麵包超人玩具,最low b,但又最適合nok nok年紀喎!畢竟...佢只係一歲咋!嘻嘻~~又未識畫畫,又未識好乖咁坐定定...買邊樣好呢?





沒有留言:

張貼留言