2008-10-09 (Thu) JUMBO珍寶珠正式開封

 

 

 

 

 

 

 

 

兩支JUMBO珍寶珠買左兩個幾月，終於正式開左封啦！

之前一路唔捨得拆，係因為怕拆左後，包唔返原廠一樣咁靚；但都買左一段時間，加上ｄ糖都要食架麻，唔通擺係度惹蟻咩，所以最終都要拆啦！

太陽哥哥好小心咁逐ｄ逐ｄ幫我拆，亦試左包返埋都唔難，太好了！

 

 

 

 

 

 

 

 

起初以為入面唔會太靚，估佢只係一個圓形盒，跟住求其質晒ｄ珍寶珠係入面；點知原來都幾精美架，個盒蓋印左珍寶珠字，盒底仲有15個窿仔用黎插住ｄ珍寶珠，都唔求其架！

 

 

 

 

 

 

 

 

如果拎走個蓋，再拎走埋所有珍寶珠，淨返支棍調轉咁放，係咪好似．．．廁所棍呢？哈哈！