2008-10-12 (Sun) 2008 Hallaoween @ HK Disney (上)

期待的十月到左啦，因為有萬聖節！前幾年玩左三年海洋公園，一路都想試下迪士尼，上年試左啦，點知去到太多人，玩唔到鬼屋，完全冇左萬聖節的意義，又晒左錢又激氣(http://hk.myblog.yahoo.com/aquarius-givens/article?mid=2835)！

心願未了，今年仍想去迪士尼萬聖節，但又驚買夜場飛會好似上年咁，又係玩唔到喎，但無理由買日場飛三百幾蚊張啫．．．點知太陽哥哥好叻呀，搵到朋友係迪士尼入面做，可免費帶我地入去玩！仲係三個位咁多添，所以搵埋最親的細妹琪琪啦！

已經係第四次去迪士尼，但有ｄ景點都硬係要再影，好似地鐵啦！

不過都有小小唔同，就係玩個地鐵扶手囉，idea黎自琪琪既，影出黎又真係幾得意同特別丫，之前未試過麻！

 

呢個景．．．又係影過好多次了！

又要加ｄ新意思先得，黎個大突破！我好鐘意呢兩張相呀，又有新意，又影得我地好開心！不過我又要顧住驚跌，又要顧住人地望囉．．．嘻嘻~~

今日唔多人，無晒閒人，正！我戴左琪琪個太陽眼鏡玩，點知．．．肉酸！

 

正門今年唔同左，係jack同sally，上年係mickey同donald架！

冇人阻住，呢個view好似第一次影呢！

美國小鎮大街全都係jack & sally的裝飾，我唔係咁鐘意，因為我都係想見到多ｄ米奇米妮唐老鴨chip & dale佢地會開心好多！

櫥窗見到chip n dale，不過shopping係最後環節，我要去玩鬼屋先呀！

兩間鬼屋都係探險世界，一去到就見到兩個南瓜人，即刻捉住佢地影相先！

 

探險世界入面真係勁多南瓜裝飾呀！

呢個南瓜堆好正呀，太陽哥哥ｄ浮誇表情認真掂！哈哈！

跟住玩第一間鬼屋，只係等三十分鐘咋，非常好！

門口有個好自為之牌，好攪笑呀！第一次玩迪士尼鬼屋，可能諗住係小朋友level，冇好大驚嚇期望，點知．．．比預期勁好多！琪琪仲嚇到踎係地，ｄ鬼鬼仲攔住條路唔比我地走咁，好好玩，當然都幾驚啦！起碼唔會好似海洋公園ｄ鬼會係咁趕人走，反而會同您玩耐ｄ同阻住您行，可能少人啦，但對我地消費者黎講，咁先抵玩架麻！

太陽哥哥又上身啦，哈哈！

chip n dale 萬聖節版，但我冇買呀，覺得佢地好醜怪咁！

安息吧！

第二間鬼屋啦，只係排左十五分鐘度，呢個仲係今年新開既鬼屋；感覺上第一間驚ｄ同好玩ｄ，但整體都唔錯，嚇到我幾驚！終於試晒迪士尼鬼屋，完左心願，好開心呀！

四周的鬼怪裝飾，我總會叫太陽哥哥埋去影相，哈哈！

呢個獅子頭好攪笑，我叫琪琪爬入去，扮比獅子食緊，可能個位都窄啦，佢係咁笑係咁笑，我企係度睇不知都幾開心，哈哈！

到我啦，救命呀~~~

但都係唔夠太陽哥哥扮得神似呀！

跟住換上我地既頭飾，上年我戴左魔鬼，太陽哥哥戴老虎，今年就調返轉啦！

 

係咪好cute呢？要影返張合照先！

萬聖節專有食品：