今日係小學同學Trista既大喜日子，佢算係我地玩開個班第一個朋友結婚呢，真係好戥佢開心，同埋又成機可能同一班小學同學見面！可惜Tracy唔係度啦．．．
因為Tracy唔係度，我當然要充當大會攝影師，負責影低ｄ片段比佢睇啦！先影下個大門口先：
個易拉架原來寫左ｄ深情說話架！
入場預備了人情，唔該ronnie幫我買禮券，當然亦要thanks太陽哥哥畫左個咁靚既利是封比我用啦！（事後得新娘子告知，拆左人情後都唔捨得丟我個利是封呢！hehe~~）
一見我地入黎，新娘子就搶咪大聲講：唔該有請保良局陳溢小學既朋友上黎影相丫！好型呀，哈哈！
獨照不可少！
返落台我地就相聚、吹水、傾下近況啦！
最重要同各位朋友仔影相留念！
跟平時的婚宴一樣，由成長片段開始今晚的飲宴：
我願意．．．
新娘子的婚妙好靚呀，點解我會覺得好像特別白咁既！沒有裙腳在內，行得好飄搖，又方便，唔錯唔錯！
雖沒有裙腳，但亦有靚靚拖尾！我係第一次係飲宴度體驗同場註冊同拖花球呢！
播回日頭接新娘的短片：
敬酒的金色晚裝，成身金光閃閃，好"聚"手呢！
原來新郎唱歌好好聽架，咁洗乜催咁耐先肯唱呢？
特別的甜點，有心心呢！
換上送客灰色晚裝，成班小學同學齊晒人要衝上台快快影張大合照！
原因係昌仔(最右)剛落機搭機鐵趕過黎，因為好有心，我唔係主人家我都覺得萬分感動！
恭喜Trista正式成為潘太太，都係個句，祝您同先生百年好合，永結同心！
小學同學已相識廿載，係最真最純的友情，當中的真摯真誠，係大個後係工場好難搵到既，我好開心咁大個仲有班咁close的小學同學，大家能keep住contact，相信係因為我地每位都好珍惜呢份友誼，希望我地友誼永固！
沒有留言:
張貼留言