我同太陽哥哥的婚紗相，雖然相簿有問題要拎晒返去改，但soft copies已在手中，可以post比大家睇下；之前就post過ｄ被foul既相，個ｄ相雖然冇揀到，宜家仲可能石沉大海啦，不過好在我都算有個底留念啦！
好喇，係時候比大家睇下邊ｄ幸運兒被我地揀中啦：
|
|
|
呢度有二十張相，都係我最為鍾意既，不過只係三分一都未夠；如果想睇晒全部七十幾張，可去呢條 link慢慢觀賞：http://ihome.cuhk.edu.hk/~b400867/weddingpic/
呢輯婚紗相我同太陽哥哥都好鍾意，我地冇咁多心思同精力影好多輯，一心諗住只影一輯，宜家一take過都咁滿意，實在太好喇！另外，個妝都似我自己，呢樣對我都好重要架，我好怕一化妝就化到變左第二個人架，因為以前曾經睇過其他朋友既婚紗相，覺得相入面個新娘，化妝化到同真人都唔似樣，而 so far 朋友睇完我呢輯婚紗相都話一望就知係我啦，我先安心咋！咁當然係更加靚既我啦，留意係"更加靚"既我，唔係"靚左"既我喎，有唔同架，哈哈～～
朋友們睇完相後，大多數feedback都係話"影到您地好sweet好開心呀!!"，我地聽到都好開心好滿意，因為"開心"就係我地一開始同攝影師溝通好的style！宜家朋友們都睇到呢種感覺，不枉我地花左咁多心思啦！
又有朋友問：ｄ道具咁多既，係咪供應架？答案梗係NO啦，全部都係我地自己之前搜羅，跟住當天帶去影架！記得當天每對couple都係兩梳蕉咁去，我地就兩三大袋野拎入去，好似返大陸咁；最辛苦係太陽哥哥，要搵我鍾意的氫氣球，個朝真係波折重重！仲有大花花、大鑽石、大bowtie、大眼鏡、大珍寶珠、大鉛筆、靚靚波鞋、煙花等．．．都令我們的婚紗相生色不少！講真，我地唔係有錢人家，亦唔係明星，同一間舖頭影出黎既婚紗相，我相信場景同甫士都係咁上下，要做到較為深刻同與別不同，唯有自己有ｄ攪作喇！所以當日攝影師同助手一見到我地咁多道具，都話我地比左好多靈感佢，亦係咁，我地比其他人影多成兩個鐘先收工呢！ |
|
|
|
沒有留言:
張貼留言