2009-09-11 (Fri) 度身．揀頭飾

結婚既日子越來越近啦，係預備約final fitting既時候，鋪頭同我講原來我仲未度身呀！上過去幾次原來都冇做呢樣野．．．所以今日特登上去度身，咁岩太陽媽媽話想轉衫，咁就一齊上去啦！今日very good，Phoebe同Elsa都黎到幫我揀頭飾呀，而CW就黎final fit埋件MC裙，真係一次過做到幾樣野！

去到竟然比我見到件新婚紗，一睇上身就鐘意，問下sales姐姐啦，原來係新架，唔怪之我未見過啦！又吸引住我，梗係要試下．．．

靚就幾靚，但顏色原來係偏黃．．．個個都好一致話之前個件靚ｄ，加上婚紗應該白ｄ傳統ｄ靚ｄ，所以最後都係揀返呢件！不過講開又講，呢件婚紗我計埋今日，先係試左第二次，即係話由第一次揀中後，都冇心動過其他款，反而晚裝就轉過幾次；今日係唯一想過放棄既，但試完都係再揀返佢，睇怕佢真係註定係我既"The One"喇！

今次加埋大蝴蝶，勁鍾意呀！

Phoebe同Elsa都同我影返張相留念先～～

太陽媽媽同爸爸都話要影！嘻嘻～～

太陽媽媽最後轉左要呢件媽媽衫：

呢件係我最後揀既褂，之前唔記得影，今日影返！雖然我最唔鍾意著褂，但既然要著，我較為鍾意金同紅既顏色佔多ｄ，反而銀線就好唔鐘意，因為覺得如果多銀線，成件衫好白潺潺咁，一ｄ都唔覺得靚！

跟住揀左呢五套頭飾：

攪掂晒都成夜晚十點啦，次次黎都攪咁耐．．．跟住我地一齊去APM潮館食飯！

好肚餓，叫左好多野食．．．