結婚後一連幾天，日日都忙到爆，schedule排得滿滿的，每朝都係較鬧鐘強迫起身；尋日親友們離開晒香港，一切回復正常，今朝線算可訓晏少少，不過都約左裝修師傅今朝黎睇下間屋，所以仲想訓耐ｄ都係要起身，但已經好過之前幾日，起碼訓到十點呀！成個假期到今日先叫可以訓耐少少休息下，但聽日已經要開始返工啦！慘～～
同媽咪食過lunch後，就同太陽哥哥出去揀牆紙同揀瓷盆，牆紙方面，師傅話快富街永盛佢識得，咁就去呢間啦，原來係成條街最大間既，好多人都係度買！
揀左好耐，您知我揀野慢架啦，最後揀左以下呢幾款，中間個款係廳既牆紙，最底個款係兩間房既牆紙；天花我想試夜光，所以我地間房個天花就用最上個款，波點係日頭見到既pattern，到夜晚波點會消失，夜光pattern就會出現，好浪漫呀！哈哈～～廳同細房既天花唔記得影，只係普通白色、pattern個花會少少凸起既牆紙！
跟住揀瓷盆，呢個煩囉，行左好耐，因為師傅冇介紹，我地都係臨時決定換埋原有個瓷盆，想換過連櫃既！最後去左呢間鋪頭，係正十字路口，最多人睇，應該隱陣ｄ．．．
好多款．．．
不過岩我地個size，又最岩心水既，都係以下呢兩款：
其實兩個既深度都較為淺，我最怕ｄ水會反彈，彈到周圍都係，不過加個網咀同調低出水力應該冇問題；圓邊個款就美觀感靚ｄ，但方邊個款就體積就實用ｄ，呢ｄ情況梗係交比一家之主揀啦！嘻嘻～～最後太陽哥哥揀左方邊個款！
其次我地都想整過個廁所門，因為唔係咩大屋，正路都係用返普通門或者摺門，但太陽哥哥有點抗拒摺門，所以睇下有冇可能整到趟門，不過資詢過後，機會不大．．．
行完好攰呀，去左starbucks請太陽哥哥飲咖啡，因為渣打咭做緊加$1多一杯，呢個月都飲左好多次呢！
沒有留言:
張貼留言