上星期收到迪士尼以下既電郵：
率先試玩黑色世界？？好筍呀！！！因為我張annual pass十月既五六日係入唔到迪迪尼架，而五六日先有鬼屋玩，想玩迪迪尼鬼屋，就要另外買飛入場玩！咁宜家免費喎，仲率先試玩，咁威，梗係去啦！上星期一睇到呢個電郵，即刻叫媽咪到時陪我入去玩，點知媽咪話唔得呀，因為今個星期二至四，媽咪同舅父一家參加左個中國短線團．．．而我都醒起，今晚一早約好左要做 final fittings，所以諗住去唔到，都死左心架啦．．．點知．．．星期二早上八號風球，個中國團取消左，媽咪同舅父都去唔到，要留係香港，我梗係即刻mark好媽咪今日陪我去迪迪尼試玩啦！而我計好晒時間，今次只入去玩鬼屋，兩三個鐘實玩晒，跟住返屋企，沖返個靚涼，再砰砰聲去觀塘fittings，應該冇問題既！
上次因為表姐車我地入去，所以媽咪今次係第一次搭迪迪尼地鐵！
迪迪尼入口，好似跟上年一樣咋喎～～
美國小鎮大街的燈柱佈置：
店鋪佈置：
睡公主城堡前換了南瓜人佈置，其實我覺得一ｄ都唔靚呀，破壞晒迪迪尼一向既浪漫感覺；不過既然黎到，加上今日勁少人，咪影低留念囉！
黎到先發覺，原來十月一至四都有鬼屋玩，只不過係daytime，而夜晚就冇；咁即係，其實我張annual pass係玩到鬼屋架，因為我多數都係閒日約表姐去玩既，今次擺左個大烏龍添！哈哈～～
迪迪尼今年有三個鬼屋：
宇宙深寒係新既鬼屋，入到去我好驚呀，又擔心唔知媽咪頂唔頂得住；點知媽咪好勇，我係咁又叫又縮埋咁行，媽咪就全程攬實我，佢一ｄ都唔驚呀，超勁！
玩後感：可能呢個係第一個玩，又係新野，我覺得都幾驚！
玩完第一個鬼屋，姑媽表姐諾諾都黎到啦！表姐要餵諾諾食飯，咁姑媽就同我地玩第二個鬼屋，點知去到門口，姑媽比入口個職員嚇到驚驚地，話心臟病同血壓高唔應該入去玩，雖然姑媽冇呢ｄ病，但怕入到去好驚咪幣．．．最終得我同媽咪照玩，不過得我地兩個人，又唔敢入喎，於是等左幾分鐘，有多兩個人我地先敢一齊入，仲推人地行前面呢！哈哈～～
玩後感：大街酒店係最驚既！
最後玩第三個鬼屋，姑媽被表姐說服左陪我地入去試玩，所以我地三個一齊入去玩！我地行得好慢，行到後面既人都追埋我地，仲爬埋頭，變左我地行係佢地後面，咁就越行越唔驚，姑媽都係唔太驚，估佢唔到！出返黎後，我地覺得唔驚，表姐就想試，於是我陪佢玩多次！佢第一次玩，實驚ｄ既，但好明顯，姑媽大膽好多呢！哈哈～～
玩後感：森魔詭域係最唔驚既！
影相時間：
諾諾見到史迪仔就走埋去，叫我幫佢影相！哈哈～～
跟住我地去玩小熊維尼，因為媽咪未玩過，小熊維尼咁出名，梗係要帶佢去試下啦！
玩完出黎行一陣，同諾諾影下相，我地就要走啦！下次再一齊約過黎玩啦，不過應該要等十月啦，但我十月點都想黎多次，因為到時ｄ迪迪尼卡通人物實換晒萬聖節服飾，我未影過呢個 look 呢！
沒有留言:
張貼留言