去完迪迪尼後，玩到成身汗，今日幾驚晒黑呀，一見光即閃，好似見光死既女鬼一樣，左閃右避！哈哈～～返去屋企沖過靚涼之後，即刻仆去final fittings．．．
先係太陽哥哥，主要襯背心同呔，試過銀、金、黑溝唔同pattern後，最後揀左第一同第三款：
太陽哥哥今次仲試下穿白色禮服，我就覺得唔錯，叫佢要白禮服唔好要黑禮服，但佢自己鍾意黑禮服多ｄ；咁我叫佢一係第二件要埋白禮服，唔好要馬褂啦，因為白禮服同馬比較，我覺得佢著白禮服靚ｄ，佢當然肯啦，我唔迫佢著馬褂喎，點知白禮服冇期．．．唉，天意～～ 但當決定左後竟然冇，越得唔到就越想要，人就係咁，所以我同太陽哥哥都有ｄ唔開心．．．
呢位係太陽哥哥柬埔寨既呀姨，即係太陽媽媽個呀妹，特登返黎飲我地個餐架，佢下午先到港，所以我地特登就埋佢今晚 final fittings 架！佢最後揀左第二件綠色既禮服：
今晚除左 final fittings 外，我要襯埋首飾，因上個禮拜好大頭蝦咁，我同elsa同phoebe都只係掛住襯頭飾，完全忘記左要襯埋首飾，所以今日要拎返頭飾去再一套咁襯過，好在有琪琪幫手，唔係我實揀唔到！哈哈～～
金色晚裝我係最鍾意架：
紫色晚裝都襯得滿意：
桃紅色晚裝老實講就襯得麻麻地，因為實在冇咩粉紅色既首飾配到，不過我都冇咩所謂，因為呢套我諗住用黎敬酒，suppose到時會戴返金器，桃紅撞金實冇問題，仲好貴氣，所以我都唔擔心，只係以防萬一拎多套首飾啫！
最後襯埋婚紗，我好鍾意呀，呢套首飾仲係新架，特登拆黎借比我！Yeah～～
嘩．．．原來著住婚紗係好難行架，我成日踩到裙腳，有ｄ擔心．．．
全部的首飾頭飾：
攪掂後成十點啦，我地又去左APM潮館食飯：
真係唔該晒今日琪琪幫手！
沒有留言:
張貼留言