以下呢兩個聚會，其實係發生係星期日(6/9)既，不過今日先後補返！
呢日真係超忙碌，約左兩班中學同學派帖，先食lunch，再食tea，跟住趕返屋企拎電腦，再趕去婚宴場地同兄弟姊妹食飯＋試機睇場！
先講lunch先，約左預科班朋友係A1，班長同安民一向咁多年都保持聯絡，呀福就少ｄ，最少係長俊同卓偉，點知佢地聽到呀福講話我要結婚，竟然話都想黎飲我個餐，好意外呀！咁賞面，我當然無任歡迎啦！
我幾鍾意食A1既 lunch，tea就差ｄ，lunch真係每次食都幾唔錯，睇下我地食左ｄ咩：
我就食牛扒，仲有一次沙拉吧同甜品呢！由於太貪心，沙拉吧拎左好多野食，我最後飽到食唔落個甜品，連餐飲都冇叫呢！
食完飯後，仲有半個鐘先到下一場，就去行街同買左好多對耳環，尋日個entry都有講！之後約左初高中同學食tea，我地去左Marion Crepes Cafe：
佢兩個又係好唔話得，好開心佢地都黎到我婚禮，仲好自動咁講難安排坐位都唔緊要，比一個位窿位佢都會照坐，聽到真係好感動！覺得佢地好體諒同好關心，我無講ｄ咩，主動講呢ｄ野已係一份支持；反而有ｄ朋友又要求邊度坐／同邊個坐，攪到我頭都大埋呢！
由於我同Ken Sir已食左飯，我地只係飲杯野咋，而赫兄原來只係剛起身，佢就食多ｄ喇！(我唔記得影自己個杯!!)
食完飯就say goodbye，下一次係922啦，真係好開心呀，估唔我係朋友心目中，原來都幾有份量既呢，冇諗過佢地個個都咁錫我架！真係好多謝呢班中學同學的賞面與支持！
今日有樣野係令我勁surprising既，就係飲飲下野，Ken Sir拎份禮物出黎，話趁呢個機會，比定份禮物我！我當時問佢：下，您比禮我，您到時唔黎呀？原來唔係唔黎，而係呢份禮物，係佢老婆買比我賀我結婚架！真係超意外．．．佢老婆都係我初高中的同班同學，但同佢唔太close，所以我真係冇諗過佢會去特登買份禮物比我架！其實張帖我都冇印佢老婆個名，佢真係冇必要買野比我，同埋講真，就算會黎既朋友，都好少又人情又禮，我同Ken Sir又唔係深交，所以我真係好勁爆感動同好勁爆意外，非墨筆能形容．．．
禮物係一對迪士尼既酒杯：
背面竟然有．．．我同太陽哥哥個名！真係唔知點解佢會知太陽哥哥個名，我帖又未比佢喎，可能係聖誕咭啦，真細心！呢份印埋名既禮物，真係好別緻，要特登去先做到呢樣野，真係好有心，大家明我點解咁勁爆感動同好勁爆意外啦～～
沒有留言:
張貼留言