今日太陽哥哥既親戚返柬埔寨啦，我地當然要送佢地機啦！自助check-in+ing：
影大合照：
呀姆原來咁感性，我一路都聽唔明佢講ｄ咩話，唔係幾知佢講乜，但原來佢係咁唔捨得走架，仲喊左出黎添！
太陽媽媽同太陽呀姨合照，一月就輪到呀姨係柬埔寨娶心抱啦，到時太陽媽媽請到假的話，佢兩個都好快見啫！
送完機後，我地就去銀行入錢，結左婚幾日，尋日先得閒整理一下ｄ人情，因為想快ｄ入落銀行度，今日星期五，再唔入都唔得啦！
未試過咁多cash係手！哈哈～～
去完銀行後，我就約左威哥揀禮物，我想送份禮物比表弟表妹呀！最後係swarovski買左對水晶耳環送比晴晴，而皓仔就買左一件addidas jacket同tee！
跟住我地就去左jacky屋企攪小學同學聚會，因為tracy聽日就走啦！
tony 好有心呀，放工係citysuper買左ｄ好好味既蘋果汁黎一齊飲，好濃味好正架，仲係中秋賀禮design！
跟住連環快拍影大合照，係一個好攪笑既版本！
食完飯後，我地就去左盈翠會所打羽毛球，其實我同太陽哥哥都唔打既，不過旨在陪下一班朋友，都埋想見多tracy幾眼，所以去陪打！不過做觀眾都唔錯，因為睇佢地玩都好刺激呢！
雖然我冇份玩，都作裝影張相先！嘻嘻～～
今日送左兩個幾得意既鎖匙扣比Tracy，尋日同佢行街買波鞋時，feel到佢鐘意，我就偷偷地買左，留待今日臨走時送比佢既！我好多謝佢特登返黎陪我出嫁，仲帶左份好珍貴既禮物比我！我好唔捨得呢位好朋友呀,希望我地可以快ｄ再見！Take care my dear friend！
返到屋企差唔多十點半，去左隔離屋同舅父一家傾下計，因為佢地聽朝一早就要走啦；佢地黎左三個星期，宜家呢刻先真正坐低，好似一家人咁傾下計，感覺溫馨，大家心中當然都有不捨之情啦！唔少得當然同表弟表妹影相啦，同埋送禮物比佢地，表弟仲即刻著住件jacket同我影添呢，佢地都好鐘意我送既禮物，係咁講多謝表姐多謝表姐！
沒有留言:
張貼留言