到達婚宴場地：
表弟表妹已經開始練習啦～～
我強烈要求的氣球／氫氣球佈置，好滿意好鍾意呀！好多謝太陽哥哥竭力為我安排！
接待處位置，個大簽名板係太陽哥哥諗架，之前佢已下左命令，叫我唔准外洩，佢希望比來賓一個驚喜，有如明星一樣，好似黎左首映咁！呢個效果真係好好呀，好多朋友事後話返比我知好鍾意呢個安排，好有vip感覺喎，大家開心，我地梗係都好開心啦！
呢個接待處位置，我都好喜歡好鍾意，全靠太陽哥哥為我地個婚禮做左咁多野，好多謝我呢位老公呀！當然，都要個場地夠大同樓底夠高先得，真係太好啦！
reception table放滿我地的婚紗相架／相簿，仲有Tracy送我的相簿禮物，加埋我地影婚紗相既道具，相當豐富！
簽名板開始簽滿晒名啦，咁受歡迎，唔知有冇朋友黎緊會用呢條橋呢？嘻嘻～～
可愛的諾諾係我地的佈置前影相留念：
勁鐘意呢幾張，十足一個mini鑽石小王老五咁！原來佢只係高過我支花少少架咋！哈哈～～
檯號＋菜譜(photos provided by Yammy)：
迎賓：
等註冊時收到兩位堂弟送來的禮物：
註冊：
講感受．．．太陽哥哥的致謝辭好似聖旨一樣長呢個gag，引來大家陣陣笑聲呢！
到我講感受啦．．．今日全日都過得好快，靜一靜諗下野既時間都冇，我個致謝辭想寫低都冇時間，最後只能寫低多謝咩人以免遺漏，不過講咩就即場講，攪到好長氣，都唔係好記得自己講過咩，哈哈！我知我個part太長氣唔夠精簡，但我好想連朋友們都多謝埋，唔理邊一group都好，因為呢ｄ機會一生只有一次，每一位係我生命中出現過既人，我都好想開名多謝！所以係咁講係咁講，我諗唔係我講緊個班來賓實好悶，尤其係男家個ｄ，但相信被講緊個ｄ朋友仔，實好留心咁聽我講，所以我都揀堅持講，但就要同唔關事既朋友講聲唔好意思，要您地等我咁耐．．．
敬酒後，飲宴隨即展開！
呢部份其實我有ｄ遺憾，有ｄ唔開心．．．首先，我八點正係入面換好晒衫準備註冊，但點知等左好耐，因為有一堆來賓突然來到又搵唔位，而太陽哥哥被拉左去安排；我地原定計劃係就算ｄ人未黎齊，我地都照註冊，點知太陽哥哥被拉走而開唔到show，變相令準時的來賓足足呆等左半小時．．．真係好對唔住佢地！第二係，結婚前我請多左幾日假，亦通頂整左個MV，諗住係呢段等註冊時間繼續播，等ｄ來賓冇咩悶，又有野睇，因為個MV我好盡力咁搵左好多相，係有來賓們個樣架！點知冇播到．．．唉！
第三係，出場時有兩樣野我好後悔，亦好怪自己係rehersal時唔夠細心察覺唔到！先係吹泡泡安排，我冇諗過個場係熄晒燈，而盞spotlight係咁強既，根本ｄ泡泡係完全睇唔到，我連行條路都睇唔清楚．．．rehersal時因為冇試埋燈光，所以事前完全唔知，好失望呀！早知係咁的話，我會安排兄弟姊妹入場時係有晒燈，我地出場時半開燈！第二樣係我最對唔住表弟表妹既，大家都有聽過我搵左佢地彈march-in首a whole new world，佢地亦練得好辛苦．．．點知我地完全唔記得同MC夾，歡迎我地出場時係唔應該咁嘈，應該先介紹佢地兩位係我美國黎既表弟表妹，特別為新娘練左呢首march-in既歌，叫來賓們細心欣賞．．．因為冇交帶到，MC叫左來賓們用手拍掌歡迎我地出場，仲大力ｄ多ｄ掌聲咁拍．．．令到表弟表妹彈首歌好細聲，最後場個度仲聽唔到．．．我估當時只聽到拍掌同歡呼聲，係一個冇音樂安排既march-in咁，呢個安排真係我最大遺憾同好唔開心既地方，好似晒左表弟表妹既一番心意同心機，因為佢地真係練左好耐．．．真係好心痛同對唔住佢地！
敬完酒後有個驚喜環節，就係諾諾ＢＢ上台獻花，好冧好甜呀！估唔到佢人仔細細，兩歲未夠，都咁大膽自己由台邊行埋黎送紮花比我，仲give me a kiss and a big hug，太陽哥哥都有份架！
宴會間的相片暫時未有，遲ｄ先跟大家分享！呢張係Yammy係新娘房等我影既相：
送完客後，我同太陽哥哥好快咁影下ｄ氣球佈置，因為我全晚都冇時間欣賞過．．．當然要拎埋諾諾送比我既太陽花花啦！
收拾後的場地．．．我ｄ氣球全部被迫要篤爆晒，好心痛呀！個佈置咁大，又多氣球，都帶走唔到，冇計啦．．．太陽哥哥話燒銀紙就係呢ｄ位喎，好唔捨得呀！
跟住我地好似check-out咁離開～～
咁就過左呢個大日子啦，今日就咁好似眨下眼就過左，雖然有幾個地方真係做得唔好，有ｄ失望同唔夠完美，我仲同太陽哥哥講笑咁再結多次實做得更好！哈哈～～不過整體上當然係好興奮＋好難忘，亦係好感動既一天！好多謝一班咁錫我既親戚同朋友！I LOVE YOU ALL！亦好多謝我有位好老公，攪左一個咁浪漫既婚禮比我！今日開始，我就係林太啦，但希望各位朋友唔好叫我林太啦，我鐘意您地叫我Sunny嫂多ｄ呀，太陽哥哥ｄ朋友都係咁叫我架！嘻嘻～～
沒有留言:
張貼留言