2009-09-14 (Mon) 舅父一家

尋日因為係挪亞方舟玩到好攰，所以我地冇出去食飯，只係好簡單係屋企煮幾味，今次終於記得影張相啦！呢四位就係我美國既舅父一家人，除舅父舅母外，中間係表妹晴晴同表弟皓仔：

影多張大合照先：

晴晴同皓仔將會係我既婚禮度合奏march-in既歌，今日放工，趕得切睇佢地練習；佢地一家，其實係上上星期日到港，跟住上星期三到星期日去左大陸旅行，即係尋晚先返返黎；而去大陸之前，聽媽咪講佢地各自各練過兩次，不過我返左工睇唔到；今日係正式一齊彈同夾一夾，好在我睇到呢！

舅父再三叮囑我認真考慮比唔佢地pass，因為佢地起碼六七年冇彈過，但我聽完覺得唔錯喎，梗係pass啦，仲有一個星期，實冇問題既！難得佢地咁有我心，聽舅父講，當皓仔係美國時知道要為我表演時就開始係咁練習，而晴晴因為去左三藩市工作，冇鋼琴係身邊先練唔到；不過黎左香港只係練左兩次已有咁既成績，真係好叻呀，睇唔出成六七年冇彈過呢！