今朝我地繼續盡地主之誼，先帶舅父一家食早餐，我地去左譚仔米線，佢地好鐘意食呀！食完就分道揚分道揚鑣，舅父一家自己周圍玩，我就返屋企繼續整MV！
夜晚就約埋太陽哥哥一齊去整頭髮，去左Tracy介紹既髮型屋，佢每次返香港都會黎呢間鋪頭整頭髮架！因為時間配合唔到，我去唔到平時去開個間髮型屋，而呢間係荃灣，方便我地夜晚去整！
等緊太陽哥哥期間，我就自拍下我個靚頭！哈哈～～其實只係染左色同剪短左ｄ前陰！
攪掂完都十點啦，冇咩野食揀，就去左千色店對面間味千拉麵，因為仲未收，點知入到去成間鋪淨係得我地咋！太陽哥哥又食山形粟米，第四次食啦，真係救命！佢仲話因為佢係一個專一既人喎．．．係咪咁專一呀？！
我就繼續貫徹我鍾意試新野既愛好，叫左新出既冬蔭雞肉烏冬！前幾日michele比左兩張味千coupon我，叫一碗麵就有野食送，佢話見太陽哥哥成日去成山形粟米應該有用喎，點知真係用得著，真係估唔到咁快就用晒兩張coupon，真係多謝michele呢餐請我地飲野喇！哈哈~~
沒有留言:
張貼留言