今日係試妝．set頭日，兩個禮拜後就結婚啦，宜家先黎做第一次試妝，我諗係我呢個新娘先咁夠膽！
結婚當日會係好朋友Phoebe幫我化妝，跟住髮型由呀Bee幫手，佢係Phoebe的朋友；原本所有野係Phoebe一手包辦，但佢話想專心幫我扮靚，加上宜家出面個trend係１化妝＋１髮型，專業好多喎！乜真係咁咩？係咁我就真係好型，仲好有福喇！
專業的化妝用具：
今日Vivian都有黎，雖然佢到時幫手化姊妹們，佢今日都有黎，話要跟Phoebe佢地偷師同學野喎，佢仲好醒咁幫我拍片！
Vivian同Phoebe真係好多化妝話題同交流，我就係度趷趷腳等人服侍！呵呵～～
攪攪下係三個人服侍我～～
Vivian跟呀Bee學野+ing：
見唔見呀Bee同Vivian都各拎住條辮？呢part好堅架．．．（下有更精彩部份）
呢條唔係普通既賓辮黎架，望上去似有三四層咁架！
賓完之後拉開，就會有呢個效果，冇諗過賓辮可變到呢個樣，好似龍蝦咁！哈哈～～
點賓？睇下呀Bee教賓辮啦：
教埋您點拉開：
我個妝都差唔多啦～～
Vivian真係好認真學野，係咁拍片～～跟住佢就要走啦，其實頭先係太陽哥哥車Vivian黎架，原本車完佢黎，太陽哥哥就繼續開工，但因為Vivian四點幾都要過返海，太陽哥哥又被我地吸引左留低，所以最後佢地係由兩點到三點九都係度既！
我地就繼續．．．呀Bee好比心機幫我試左幾款造型，有ｄ唔記得影；而呢個係佢自己諗既，其實睇個頭唔睇我個樣，呢個頭set得真係好靚，好多details；呀Bee有樣野講得好岩，佢話結婚當日個造型唔同影結婚相，影結婚相前面靚就得，後面穿晒崩都唔怕；但結婚當日，比人睇係360度，所以要全方位兼顧！我都幾buy佢咁講，但我一向面闊，好怕all back．．．
試下改良下個造型，放返一半頭髮落黎，只紮起一半；但少左一半頭髮，又唔夠多頭髮造個波波效果喎！
又試下夾硬紮，點知係一個小波，唉．．．加左我既意見反而失色左咁，唔係專業就真係差ｄ！哈哈～～
今日大致上係咁多啦，試左成六個鐘，真係辛苦晒！最後我地交換意見，呀Bee又教我染髮時染咩色，同埋修邊部份的頭髮；再傾下當日點做，ｄ時間點安排，希望到時big day可以好smooth咁gogogo啦！
沒有留言:
張貼留言