舅父一家係美國過黎前，我已問好表妹表弟會唔會幫到我彈結婚既march-in歌，因為佢地實在好多好多年冇掂過部鋼琴同小提琴；如果佢地彈到，我梗係好開心啦，因為由親人彈，我覺得好有意義同有紀念價值！點知佢地一聽到後，好熱衷想幫我，表弟仲問晒航空公司點hand carry佢個小提琴上機，因為size過左呀！至於表妹既鋼琴，冇可能帶黎香港練，所以我今日約左Kim借電子琴，希望係去唔到隔離鄰居屋企練時，都有部電子琴頂住先！
一放工我就去明愛醫院搵Kim，我第一次親眼見佢著醫生袍個樣，真係睇唔出佢係ER既一位女醫生，型爆～～
部琴比我預期中大，所以都要搭的士返屋企，打開拎出黎，差唔多佔晒成張梳化！
沒有留言:
張貼留言