今日係我同太陽哥哥的大囍日子，同佢拍左三年拖啦，今日我地決定拉埋天窗，揀左對方成為終身伴侶，感覺非常特別、得意、新鮮、好奇．．．等等，因為我同佢都未試過結婚，對每個步驟同時刻都好期待、亦緊張；我就成日叮囑自己，今日要好好享受每一刻每一分，唔好因為小事炆憎！
尋晚成兩點先訓，但四點幾就札醒左，係度諗．．．個rundown好似未加返六合彩環節喎，所以就起身check下，跟住發覺冇問題，已update左！但已經唔想訓，係咁諗有咩漏左，因為型住實有野漏左(最終真係呢!!)．．．而最重要係，我仲未諗致謝辭！其實我都無從入手，只係諗住所有朋友都想講聲多謝，咁點講好呢？咩次序呢？每班咁講會唔會好長氣呢？定係我到時會嚇到講唔到野，想長都講唔出野呢？
六點就正式起身，同Tracy＋琪琪影張留念：
六點九我就開始化妝啦～～
接新娘環節的準備：
化妝攪掂～～等接新娘環節，呢個時候影左好多好多相，係from好多好多部相機！
諾諾今日好型仔呀，佢開頭黎到見咁多人，驚驚地，仲話冇恩恩呢！後尾我同佢講野，可能佢認得我把聲，就唔驚啦，仲認得返我！表姐講左佢講：結婚＋恭喜！聽到真係sweet爆！
比兄弟們食既屎．．．其實只係香蕉加花生醬，個樣係好難睇，但一ｄ都唔難食架！(後記: 我唔明點解個早拍晚播竟然冇cut呢part出黎, 對條片好失望呢!!)
佢地黎啦～～
太陽哥哥整左個jumbo size開門利是，內有幾張jumbo size一千蚊紙！呢個我之前都唔知呢，佢收得好密呀！
後記: 好唔開心呀，個早拍晚播又係冇cut出黎, 再次極度失望!! (以下呢張相係我結婚後影返同大家分享既!!)
間攝錄公司幫我係屋企入面set左部小電視 tv live咁睇晒成個過程，原來呢項 service 又真係幾好喎，等我冇咁悶又知出面發生緊咩事，唔係聽到出面好嘈又唔知做緊咩，實會心癢癢啫！我睇到好投入呀，覺得好好笑呢，諾諾都有一齊睇呀！
好喇，講返兄弟團先～～懞眼楂唇膏：
要錫晒十二個開門金牌令先比過關，呢part好好笑，早拍晚播又冇剪．．．嬲死
！
跟住跳舞～～先係大金冷氣廣告：
跟住係全智賢發姣廣告：
最後係美女廚房既美女廚神part舞：
宣讀愛的宣言環節：
太陽哥哥簽了名的愛的宣言，特別鳴謝Tracy， 呢張愛的宣言係佢整架，仲係越洋帶到黎香港呢！
讀完愛的宣言仲要抽紅線，抽到咩要錫一啖，玩死太陽哥哥．．．哈哈！
最後當然實會抽到新娘子啦，好多謝今日叔叔送我出門，出門呢下，我同佢都眼濕濕，好感動．．．！
好多鐘頭對住我地，明星一樣！哈哈～～
開始斟茶，我叫諾諾幫我楂住個花球，佢就乖乖咁幫我楂住！
斟茶～～
接左新娘後就出發到男家～～
去到樓下，有兩個幼稚園小朋友過黎，問我地可唔可以同佢影相，當時冇問題啦！
跟住成班都走埋黎，好意外，好好笑！跟住攝影師好醒咁拉埋諾諾埋黎，仲企正中間，成個小明星咁！
一齊Yeah！
我地架花車：
開車冇耐追到表姐架車，叔叔就幫我地影左張相！
男家斟晒茶後，就換婚紗去影外景，姊妹們提我套褂除左就冇得再著架啦，一世著一次，咁我就拿拿林影相留念，因為套褂其實好得意，有條帶好似工人褲咁！
粗魯的新娘子．．．話晒呢套係睡衣黎架麻！嘻嘻～～
轉妝＋ing～～呀Bee好勁架，成個頭箍都可以收埋！
個頭set得好靚呀！
出發去大埔海濱公園影相～～
其實今日都好感謝上天架，前排好熱，上網check天氣時，我好驚見到個太陽酷熱警告，反而想見到陰天；點知一路都係雨天公仔，不過我都冇驚到，因為好忙都冇咩時間諗，加上我充滿信心，知道個天唔會咁殘忍咁對我！最後到今日，冇落雨冇酷熱太陽，所以我好滿意了！不過見兄弟姊妹們都流了汗，我地係海濱公園都唔係留左好耐～～
今日真係好似成個公主咁比人服侍！嘻嘻～～
影下草地同樹景咁～～
好多相機對住我地，做左一日明星咁多啦～～
影呀影～～
好多鐵馬幫我地開路呀！哈哈～～
沒有留言:
張貼留言