今日日頭係屋企繼續整MV，整到八八九九啦，好開心！因為呢個MV我真係花左好多時間呀，最勁試過整到成三四點先訓；其實最炆係因為部機好慢，我好多時間係花係等同load，真係勁炆，又成日hang機！最後發現我close左kaspersky anit-virus就好好多，真係要多謝上天眷顧我，因為係我最困難無助既時間，我真係有祈禱架！
夜晚等太陽哥哥放工後即去金都，因為要加返ｄ橡筋絲帶係女仔襟花度，跟住要去check下ｄpull-up banners，同埋買車身佈置！我對chip n dale用到黎做車頭公仔呀，一路就咁望覺得好大隻，怕太誇用唔到，點知原來size合理，唔算大，上年聖誕已經買架啦，用到真係開心！
攪掂完就同埋琪琪一齊去食北海道活壽司，我特登叫埋佢出黎慰勞佢架，因為琪琪係個MV入面，幫我處理左好多好多相！我影幾多相大家都知架啦，好在得琪琪幫我整理左好多野，同埋重新設計過ｄlayout，咁我個MV先生動不少！我好記得打風之前個晚(星期一)，佢陪我一路整，直至凌晨接近三點，我真係好感動同感激佢！多謝妳呀～～
我地勁肚餓，叫左好多好多．．．不過琪琪個傻妹好傻，成日唔敢叫金碟銀碟，怕貴唔好意思；但我知佢心意，都會幫佢拎，佢好鐘意食壽司架！
刺身＋小食等：
壽司＋軍艦：
今日一共叫左三份燒牛舌！
埋單：
沒有留言:
張貼留言