2011年7月23日 星期六

2011-07-23 (Sat) 書展.幸亭拉麵.瘋狂購物

Kim係書展做野,班左兩張飛比太陽哥哥,咁我就去左好多年都冇去既書展喇!



好大本書~~



灣仔地鐵站都多多地人,去到都幾多...但眼見會展外d排隊鐵欄都冇queue up到,即係唔算多人架啦!



成日掛住what's apps的太陽哥哥!



一去就搵天地圖書,皆因馬仔~~



太陽哥哥幫細妹搵馬仔產品,可惜原來唔係天地賣!



人人都在看~~



書展內的公仔影相點:



今天收獲~~張小嫻冇出小說,失望~~



行完書展去幸亭食拉麵,今次同太陽哥哥一齊食黑胡椒,諗住鎮店推介麻;點知唔好食,個湯底好油...



跟住搭叮叮去皇室堡,尋晚陪細妹係朗豪坊買鞋冇佢size,佢今早check到皇室堡分店有,就係咁,幫細妹又買兩對Venilla Suite!



兩姊妹三天內一齊買了四對新鞋子,其中兩對仲係同款!嘻嘻~~



就係咁,有兩張IT半價voucher,左邊個張係前日買所以今日到期,但要去The One,都冇時間去...右邊個張就岩岩幫細妹買完比既,係返皇室堡就得;咁方便,梗係行個圈啦~~其實最快睇中係 ete! 的一雙豹紋鬆糕,但似乎太多鞋...



轉睇 Hyoma,睇中兩件衫,係衫同鞋中間取捨中...當時個心好想衝去The One,咁咪可用晒兩張voucher囉!但人地要關門啦,已經十點,想睇多陣都冇時間...太陽哥哥叫我梗係買衫,就買左喇!雖然個心仲想買多對鞋...



最後只係用左六百就買左兩件原價千二的衫,我覺得好抵呀!哈哈~~不過張voucher其實可揀原價二千四既野,宜家我只係用左一半,係呢part覺得唔太抵囉!仲要晒左The One個張voucher呢...


心情大靚,已經十點幾都仲要去多轉銅鑼灣地帶,皆因早前睇雜誌見到件西裝褸好靚,好岩太陽哥哥~~



太陽哥哥一試上身,型爆~~即扑鎚!



仲有呢件裇衫我覺得型架,三款pattern,但搵唔到~~



雖然今日破左好多財,但都好開心呀,最衰太陽哥哥聽日又要開工啦,唔係仲想繼續行,好耐都冇試過有咁長的shopping mood!


呀!仲有樣野一定要記得,今日撞到好多人呀;先係書展撞到太陽哥哥舊同事呀Book,太陽哥哥一見呀Book就攬住佢膊頭,呀Book驚訝完都想回攬,但一見我係度即刻縮手喎,好攪笑!我就即刻同佢講:唔洗縮喎,隨便攬啦!佢先敢攬一下咋~~乜原來朋友見到對方另一半係度,表現真係會唔同d,我一向都知太陽哥哥平時同朋友玩得好熱情下,但原來我係度,人地會避忌架,好似窒住左佢地添,嘻嘻~~


跟住離開銅鑼灣地帶時,係街度又撞到美極同佢男友,可能我都同美極熟,佢同太陽哥哥一見到就互搭膊頭啦~~


一日間係無約到既情況下能撞到兩位朋友,仲要係多人既書展同鬧市街頭下發生,真奇妙!


沒有留言:

張貼留言