2011年7月19日 星期二

2011-07-19 (Tue) 克勤演唱會2011的背後驚喜

今晚返完PT返到屋企,收到太陽哥哥的小驚喜,佢送了呢幅彩色畫比我,話多謝我安排左克勤演唱會比佢!



咁我都係時候紀錄返我呢個秘密安排,一知道有克勤演唱會時,其實太陽哥哥話唔睇架,佢話晒錢同埋係同小交響樂團一齊;既然肯定佢唔會走去買飛,我咪搵 Hazel 問;確實買到飛後,雖然未知第幾行,但都冇擔心,因為 Hazel 話攞到都肯定係加行位!知道有飛後個心定晒,我就諗下點樣present;過去的演唱會,太陽哥哥整過好多ticket holder比我,我就諗住今次整返比佢!




上網搵演唱會海報~~



Extract出黎後,有個葉詠詩...



但我photo editing既技倆有限,完全睇得出做過手腳囉...點算呢?



搵 Vivian 幫手,msn掟比佢,唔洗兩分鐘攪掂!做design真係唔通d,我整左成個lunch都整唔到,人地三兩下功夫就攪掂,好完美!



呢兩張都好靚,決定用晒佢,點分配好呢?



公司冇colour print,又係靠朋友~~返到屋企做手工,加落硬皮紙度,好在略略見過太陽哥哥點整,今次仲偷偷拎佢支噴膠用!嘻嘻~~



攪掂!



完美呀~好滿意!



入面張飛係舊既,用黎度位;今次用晒太陽哥哥曾經用過的兩款放飛方法,今鋪諗住一次過學成show晒佢睇!



Hazel 拎到飛後,都即刻scan晒d飛比我~~



但我冇時間整落硬紙度,因個日一定要寄出,唔係唔夠時間...所以只係用左普通A4紙咋!



將tickets放晒入細白色信封度,再扮速遞放入個大白色信封度,信封上面張slip打既野都係扮架咋!



再放入公文袋,呢封先係堅寄出既,寄去比Vivian;我地夾好左,到演唱會個朝,係公司扮有速遞比太陽哥哥,叫佢出黎簽收!



不過是次驚喜,得唔到預期的滿足與喜樂,太陽哥哥收到後竟然一個電話都冇,到夜晚見面時佢先講(本身我吹水話有武俠首映飛, 約左佢夜晚係尖沙咀等),佢話我晒錢,同埋佢真係唔係太想睇呢個演唱會...呢件事都令我唔太開心,仲覺得好委屈添,我覺得有幾想/唔太想/好唔想都好,收到禮物的一方,唔係都應該同對方講聲多謝?頂多事後坦白返,其實唔係咁想睇架咋,以後唔好晒呢d錢,或者一齊商量下先作決定...等等?但佢既堅持就係,佢曾經估過我想買飛,已經講過唔好買,我都照買喎...咁我就話,佢估到前我已經搵左人買,仲係托 Hazel 買,唔係自己買,人地再搵朋友,我唔想呢頭叫人幫手,跟住又同人講都係唔要,玩咩,加上 Hazel 唔係我直屬朋友,我覺得會好唔好意思;同埋,千一蚊又有幾幾幾花錢?我又唔係買黃牛飛成千蚊張飛,坐咁前我覺得好值得添...佢就話,全日冇打比我,唔知內裡係我搵 Hazel買,同埋係同佢地兩公婆去,以為叫左我唔好買我都照買所以有點嬲喎,佢呢part誤會左我...唉~都冇咩好講~~大家所偏重的方向都唔同,可能我真係做多左...


沒有留言:

張貼留言