2011年7月21日 星期四

2011-07-21 (Thu) 人約離婚後.Venilla Suite 新鞋子兩對

『人約離婚後』幾好睇喎,估唔到,好睇過婚前試愛,都幾多笑位,又有少少冧位;方力申d對白有爛有笑,但佢個樣好似老左咁;呀佘首演電影都拍得住電影劇,值得表揚;反之羅仲謙演技麻麻,講快少少都食螺絲!


七三面似劉華,八二面似石修!


睇得花家姐多,真係唔簡單~~


you talk to me 即係 no talk 啦,you talk to her先係 yes talk 架麻!



睇完戲去買鞋,其實上星期太陽哥哥已經話買比我架啦,但我好耐冇買成幾百蚊既鞋,要諗清楚先;皆因貪新鮮已經買過好多鞋係屋企,但永遠只著B記拖鞋出街,哈哈!今次太鍾意,最重要原因係想高d,今日就決定買啦~~



無拿拿點解有兩對?唉~~睇中的其實係黃色個對鬆糕鞋,但買兩對其中一對再八折,抵喎,再揀...揀揀下見到彩帶拖鞋,又係鬆糕,一睇愛上!但其實諗左好耐,因為呢對好貴,要千二蚊...話就話呢隻brand係from Italy,同埋每間每個size只得一對...但真係要折左都咁貴嗎?不過太陽哥哥見我鍾意,都好贊成買晒,所以就帶晒佢地返屋企喇,超開心!



IT又玩買完以半價再買,好吸引,得兩日時限,唔知有冇時間去睇呢~~



沒有留言:

張貼留言