早前係教協買左廳的新冷氣，由一匹升到匹半，希望朋友仔上黎打邊爐唔會再唔夠凍啦！其實我想換兩匹架，但個窗太細，除非改窗，但太麻煩了！
約好左今朝送貨，五點等埋太陽哥哥放工返黎安裝；兩個哥哥仔好快手呀，我地睇都覺得佢地好叻！
咁就放左新冷氣入個窿窿度啦～～
舊冷氣其實仲好新，又冇壞，仲係日立黎架，只係唔夠廳用；有諗過換入睡房架，反正前排房冷氣漏水攪到一鑊泡，不過我地又係嫌麻煩，情願繼續用漏斗方法頂住就算．．．於是都係要同拆落黎的冷氣講拜拜；不過都賣到二百蚊呢，算唔錯，當幫補安裝費囉！
嘩～小心呀哥哥仔～～
簽完單就大功告成！
裝左匹半個窗只剩少少位，點裝到兩匹機呢？唉．．．不過我覺得都唔係涼左好多咋，甚至同舊個部差唔多！點解咁架？太陽哥哥話睇多幾日喎．．．><
跟住我地抹廳，尤其時梳化後面，好污糟呀；抹抹下太陽哥哥幫我抹埋床下底，將入面ｄ箱同旅行喼拎晒出黎，然後抹個地，抹到成個人捐埋入去，呢個老公真係唔話得吧！
跟住落左青衣城食MOS burger，返黎有ｄ肚餓，太陽哥哥就煲佢最拿手既忌廉湯我飲，今日最辛苦真係佢喇！
沒有留言:
張貼留言