今日又繼續諗住睇歲月神偷，太陽哥哥有百老匯電影中心免費飛，尋晚上網望過仲有好多位，但點知今日到太陽哥哥放工時，又係冇晒位．．．雖然三點鐘洗晒頭換晒衫諗住出去，順便捐埋血，但出門前發現睇唔成戲，加上我都唔係咁舒服，咁就留係屋企算啦！
太陽哥哥話去街市買生菜灼埋ｄ牛丸煮麵食，去到街市我見到ｄ燒肉又想食就買埋！到煮時醒起聽日半週年紀念喎，就開罐鮑魚片，即刻整左味蠔油鮑片生菜比太陽哥哥食！平時好少煮野比佢食，就當係盡下老婆責任啦！哈哈～～
鮑魚片多過菜喎～～
到九點幾十點，媽咪過左黎，話威哥同琪琪都出晒去好悶，咁我地就一齊開左隻早前買既日本急凍皇帝蟹食！
好大隻～～放包茄汁係度比較下先！
嘩～～諗起韓國既皇帝蟹
成塊面咁大！
不過味道一般咋，幾百蚊隻真係唔太抵呀，下次應該唔會再買了！都係韓國新鮮食既最好味，好回味呀～～
沒有留言:
張貼留言