2010年3月15日 星期一

2010-03-15 (Mon) 買買買.不捨小蘭花


今日心情麻麻地...好在上天對我不錯,工作上總算順利攪掂左樣超麻煩野,聽日仲要繼續加油呢!放工後又要拎返本結婚相簿去金都改,好在有Andy係度,希望相簿同DVD快d改好兼唔好再錯!


攪掂後行去巴士站途中,麻麻地心情開始引發成購買慾+食慾!其實一開始係經過一間叫『食神傳說』既零食鋪頭,好難得咁發現有細罐裝zero賣喎,知道Gigi好鐘意,又冇咩地方有,就即刻入去買啦...點知又睇到話買滿一百蚊可加錢做會員,見呢間野都有幾間分店,我就買下買下又買下,買左咁多野同做埋會員啦!買野冇問題,係d汽水感覺細細罐,但好多個細細罐就變左好多罐同好重呀,拎死我~~



再經過一間化妝品出口店,見到有大支裝Bioderma卸妝,即買!加埋細妹今日幫我係屈臣氏買既野,今日真係買左好多野,算唔算係一種發洩呢?不過好在我對零食慾念只限於買而唔係食,唔係實肥死!我通常鐘意買黎試,有人一齊食先會開,因為每次見到d零食咁colourful咁色彩繽紛就好想買,所以屋企又越來越零食了...




另外,呢兩天發現小蘭花開始凋落了,已有兩朵花跌左落黎,買時話可放一個月,雖則的確係,仲有賺添,已過左一個月有多;不過呢盤小蘭花係新居的第一盤花,加上仲係黃色,我好鐘意佢呀,所以唔係好捨得...花開、花落...好悲咁添~~




沒有留言:

張貼留言