2012-01-29 (Sun) 媽媽慶生飯@鹿鳴春

今日人日, 咁岩亦係媽媽正日生日, 醒目的細妹係上個月做冬時順便訂定鹿鳴春!

細鍋的雲吞雞有成 18 隻雲吞, 我地即刻check menu 睇下幾錢, 點知搵唔到, 淆晒底諗住 out of menu 肯定幾舊; 我估三百, 媽咪估四百, 因為平時係上海婆婆食都要百五; 點知埋單揭盅, 先係 $220,好抵好抵!

呢度師傅切燒鴨時任影唔嬲, 佢仲話好耐冇靚女同佢影相啦! 哈哈!

第一次食拔絲甜品, 揀左香蕉, 超好食! 再叫埋拔絲蘋果, 不過香蕉好味d!