今朝一起身，急不及待要開門睇下咩天氣，因為我要同羊咩咩見面呀！一開門．．．嘩～～好好天，陽光普照呀！天公對我們真好，去墾丁時，第一日去到冇咩行程周圍hea下就天陰陰既，第二日全日出去玩就即刻陽光普照；黎到清境又係一樣，尋日天陰陰，今日去我地要去農場玩就出太陽！仲記得係香港臨出發時，睇天氣預告話台灣成個星期都會天陰＋落雨，但我地玩左咁多日都未有事，又冇落雨，亦冇冷風天氣好凍，真係好好運呀！
山莊外面有個伯伯賣生果，ｄ生果勁大個呀！
呢ｄ咁大個既係梨呀！
呢ｄ係柿，我特登影埋我個鞋頭，咁大家咪知係幾大個囉！
跟住出發去清境農場啦～～清境農場主要分三部份：青青草原、觀山牧區、壽生園生態區。
我地先去青青草原～～
嘩～～呢度一大片草地，成個大草原咁，好多好多．．．唔係，應該係勁多勁多綿羊呀！好難影容，總之好多啦，成個山頭都係咁，幾百隻都有呀！真係大開眼界、嘆為觀止！
第一隻親近我地既羊咩咩～～我開頭都唔敢行咁埋，因為咁大個女，都係第一次咁近距離接觸綿羊，唔知佢地咩品性同咩反應，有ｄ驚架；不過試過越行越埋，佢又冇走開，繼續自顧自咁食草，我就越來越大膽，慢慢咁摸佢，佢又冇走開，好乖好純呀！佢ｄ毛仲係好厚同好軟熟呀呢！
太陽哥哥大膽過我好多，雖然佢都係第一次近距離接觸綿羊，但佢一野走埋去就摸落去啦！之後仲意途騎人地，嚇到人地食食下草即刻走呀，好變態呀．．．點可以咁樣對我ｄ羊咩咩架！
跟住見到呢隻ｄ毛短ｄ架，應該前排比人剃左毛啦！陰公～～但呢隻乾淨好多，又係好乖架！
見佢咁定咁係度食草，我地就即刻set腳架自拍，不過一影佢就走開啦，以下呢幾張連環快拍好攪笑呢！
無奈+ing～～
乜綿羊有棕色既咩？我咁大個女都唔知呢！
好開心呀～～呢隻羊咩咩食我餵既草呀！Yeah～～
三隻一堆喎，梗係要去影相啦！大家都見後面條斜路幾斜架啦，仲唔係行人路添，但為左要同多ｄ羊咩咩一齊影，我決定．．．爬上去！
越行越上，越上越近啦～～細聲ｄ呀，唔好嘈走佢地！
成功啦～～
繼續玩～～
太陽哥哥見我咁鐘意ｄ羊咩咩，又玩得咁開心，一路又追又曬住咁幫我影左好多相，仲叫我繼續玩唔洗幫佢影，好錫我呀！
玩到咁上下我先幫佢影咋～～
有毛同冇毛既羊咩咩的分別
：
咁難得又見到棕色綿羊，要影呀～～
今日都好曬，我地由原本著晒長袖衫，行到要除淨入面件衫呀！早知著短袖啦，但我地係聽山莊老闆講先著多件衫，佢話清境農場比山莊仲要高，呢度有成海拔2000公尺架！但我真係好鐘意同ｄ羊咩咩玩同影相，所以曬都冇理，返到去就知死了～～
草原裡既羊咩咩，大多都怕人，影相影唔得耐，一張起兩張止，通常都好快走開，但行行下，我地見到有幾隻綿羊圍住幾個台灣人，原來要食佢地ｄ米通！乜綿羊食米通既咩？我以為綿羊只係食草咋喎！
呢隻綿羊最為食呀，連地下ｄ米通碎都唔放過～～
佢掛住食地下ｄ米通碎，我地就爭取機會，任影唔嬲～～
太陽哥哥話佢有得食咩都唔理，騎佢都得喎，咁我就試下．．．又真係得喎！哈哈～～不過我冇堅坐上去，只係作裝咋，我對腳仲掂到地架！
騎咁耐都唔走開，真係有得食咩都唔理呀，好為食呢！
呢座係青青草原入面既"綿羊音樂城堡"，遠睇好靚呀，襯埋藍天白雲，太陽哥哥話同人講去左英國都似呢！清境呀清境呀，妳真係好靚好迷人呀～～
城堡有綿羊欄供遊客餵羊咩咩～～
我係城堡買左幾隻羊咩咩：
原來綿羊生出黎係有尾巴架，只係為左避免糞便污染尾部皮毛，同埋大個後剪毛方便，係２歲前會以橡皮筋套索施行截尾，而下截尾部會自行脫落．．．聽落好慘好殘忍呀，講真，人類都係為左剪佢地ｄ毛做生意咋麻．．．
城堡另一邊小路個view又係好靚，呢度每一個角落既景色都好正呀！
又有隻羊咩咩自投羅網啦！哈哈～～
呢隻勁乖，係我地身邊食左好耐草都冇行開，仲任摸任騎！
短片～～留意23秒時，仲錄到隻羊咩咩叫呢！
(如blog睇窒, 可去: http://www.youtube.com/watch?v=wAf-5OVnupg)
沒有留言:
張貼留言