今日進開台中去清境啦，早上九點就起身，係呢間靚靚酒店嘆左個超級豐富自助早餐，呢餐真係成個台灣遊最豐富既一次早餐呀！
睇下幾多食物選擇．．．
甜品＋生果：
好別緻既糖包：
十點就有車黎接我地去清境啦～～
車程約一個半小時，經過紆迴曲折既山路，就到達維多利亞山莊，即我地住既地方；呢度係海拔約1700公尺，全楝都係以真木建成架！
呢度居高臨下，視野無限寬廣，湖光山色盡收眼底，遠望仲高過ｄ山同雲，有點似置身仙境呢！
左邊第一間就係我地間房啦～～
房間內：
我地揀了觀景二人房，因為二人房滿了，老闆給了我地一間四人房，所以房內有閣樓，上面人有兩張床：
安頓好後，老闆車我地去『清境農場遊客休閒中心』，今日天陰陰咁，唔知聽日咩天氣呢？我仲要同綿羊玩架．．．
清境天氣瞬息萬變，多雲時好有神秘感架！
呢度有好多間7-11坐陣呢！
先去醫肚，去左旅遊書介紹既Patite洋食館，呢度係海拔1743公尺，千尺高山 high tea，別有一番感受，餐廳的輕鬆格局跟清境的度假氣氛好合襯呢！
客人可寫下願望掛係餐廳既許願樹上！
呢度既飯好好味呢，意粉就差少少！
跟住我地係遊客休閒中心周圍閒逛，呢度好多野睇呀！好靚既木牌名信片：
我都買左名信片呢，仲買埋郵票，即刻寫即刻寄！
商場內的羊咩咩紙板，我係羊女，梗係要去影啦！
其中一間店外的裝飾，好可愛好浪漫呢！
店內的薰衣草裝飾，紫色衫bear bear好可愛呀！
店內仲有個小花園供遊客影相，好貼心呀！
食物手信的店鋪：
戰利品：
羊咩咩鎖匙扣有白色同夜光兩種，另外一粒係磁石，我愛羊咩咩呵！嘻嘻～～
逛完商場，就到遊客休閒中心外影相，出面有個大風車呢！
跟住欣賞下清境既山脈之景：
時間剛好，剛出現雲海呀！好靚好靚～～好壯觀，有點似天空之城呢！
置身於1743海拔既雲海前，高山與白雲在我地腳下，Yeah～～
沒有留言:
張貼留言