今朝離開墾丁了，起身先食個早餐～～
十點半王大哥黎接我地，終於見到佢真身了(的士後面個位)，可惜呢一見亦係最後一次，之前係香港同佢msn，佢勁好人，又幫我搵酒店，佢架的士唔係普通五座位架，係七座位，呢種的士我都係第一次見！
王大哥手車超勁，仲勁過香港既亡命van，但又好安全喎；兩天前高雄去墾丁個程，總共用左２小時１０分，呢次由墾丁去高雄，王大哥只係用左１小時４０分，真係超勁！個幾鐘的車程，平時一上車實訓覺既太陽哥哥，竟然冇訓到，全程欣賞王大哥既駕駛爬頭技術，可能想偷師吧！哈哈～～
去到高雄我地就買飛到台中，呢次係我地第一次搭高鐵呢！
高鐵車次好頻密，大約半個鐘一班～～
我地買左下午一點既班次，去台中需時只係一個鐘！
月台：
我地搭既高鐵：
窗外風景～～好多田地呀，遠離城市既風景真係要多望幾眼，因為台北實唔會見到呢ｄ景色！
到啦～～
台中月台：
台中站有免費接駁車到某幾個地區，其中一架會去我地下榻的酒店附近，就係近台中好出名既逢甲商圈！
落車大約行十分鐘就搵到我地住間酒店啦，酒店外觀好型呢！
路過見到警察吊走違例泊車既電單車，乜真係會拖走架？好慘呀～～我都係第一次見！
文華道會館個大堂，好cyber feel 呀，真係好型呢！呢間酒店以『創新藝術』風格建成，係 The Top 5 Hotel in Asia，就係咁先吸引我揀黎同太陽哥哥一齊住！
check in 完有專人帶您上樓，上樓前會途經酒店設施以作介紹，非常貼心同令人impressed既service！走郎兩旁又係好型～～
男女廁門口：
供客人用既 gym room，仲有得按腳，犀利犀利！
上網地方：
電梯兩旁的別緻梳化，未上樓已感受到酒店既特別設計，每個角落既裝飾，睇得出都花左好多心思去設計，好喜歡呢度呀！
酒店客房設於五樓以上，我地揀既"莎翁客房"係最高既九樓；凡上五樓以上，均要用房間電碼咭碌一碌，make sure您係酒店客人，電梯先會上到，我又覺得好型again～～
一開門，靚靚擺設盡在眼前，真係好grand呀！
"莎翁客房"係特色房間，全酒店有十四間，每間都唔同設計，亦僅此一間；原本想訂905號既『仲夏夜之夢』架，點知我地改左入住日期所以被人訂左，最後揀左907呢間既『約定』，都好好好靚呀！
第一次住既酒店用Panasonic電影機：
一對杯都唔同色，好講究！
第一次住既酒店係雪櫃內所有食物飲料都係免費！平時住個ｄ通常只係包兩支水，呢度就連水都有四支！
衣櫃有乾淨浴袍、透明同環保衣衫袋各一，好貼心、整齊、乾淨！
好好的安排：
大浴室：
我好鍾意呢個兜架！
笑話分享：太陽哥哥叫我估下ｄ水係邊度開．．．我就跪係ｄ梯階度，望入個缺，搵下邊度有出水位，但全個缸只見底部有個出水位．．．
太陽哥哥話搵唔到就開估．．．突然．．．水從天而降，嚇到我成個彈開
！閃避時仲被梯階弄損左隻腳
！
呢間酒店真係好靚，我極力推介！酒店網址：http://www.inone.com.tw/rooms/?album_id=19
沒有留言:
張貼留言