.gif)
差唔多天黑，我地就出發去關山睇日落；到達關山後，先去睇飛來石／福靈龜，真係好似一隻大烏龜呀！
關山原來可以一次過俯瞰晒好多地方～～
風車變得好細呀，可想而知，我地今日真係去左好多地方！
日落啦～～估唔到黎墾丁兩日，都可以睇足兩日日落，好滿足，好浪漫呀！
跟住我地去出火(唔好有歪念呀!!)，未出發前已經好想去既一個地方，因為出火區係玩煙花架！去出火前我地已經買定煙花，因為如果係出火先買會好貴，多得胡姨姨帶路；宜家先五點半，咁早放煙花都係第一次！
我好鐘意放煙花架，香港冇得玩，所以今次好期待呢！
出火明名原因：地底的天然氣沿著岩層的裂隙冒出地面，點火後燃燒所形成。出火的地質為墾丁層(泥岩層)，泥岩層的裂隙多，火苗會到處游移。夏秋雨季時，裂隙常受阻塞，因此冬春乾季時出火現象較為壯觀。
去到已經有人玩緊啦，地上火苗既火係天然發放出黎架，厲害厲害，所以行路時都要小心，因有ｄ位就算冇出火，都有煙飄出黎，就好似係火山口上面行緊路咁，容乜易突然有火標出黎架，都有ｄ驚驚地架～～
今次台灣之行，一來想同太陽哥哥影多ｄ合照，二來一路都未試過用自己相機影煙花相，所以帶埋腳架黎！買煙花時每類型都執ｄ，有有聲既、有飛上天既、有楂住係手噴下火花既，最尾呢款我叫佢做畫畫煙花，開頭覺得呢款煙花最無聊，只係楂住係手on居居睇佢噴下火花，唔夠有聲又識飛上天個ｄ咁勁咁好玩！點知有聲又識飛上天個ｄ都影唔到相既，反而呢種畫畫煙花就影到喇！
可惜畫畫煙花只買了一盒，得十支，因為未試過影，都唔知點set，所以試機都用左一段時間同一ｄ煙花！經過不斷既嘗試，影左好多張，以下呢ｄ係見得人兼且不錯既測試～～
我的作品：
太陽哥哥的作品：
太陽哥哥話要簽自己個名喎～～
跟住胡姨姨幫我們按快門，我同太陽哥哥一齊畫，大家開始時都好亂好緊張，因為胡姨姨按完一下又按一下，我同太陽哥哥都未黎得切溝通畫咩、點畫、由咩方向畫．．．佢又、胡姨姨又說"開始"了！
呢張係我叫太陽哥哥一齊寫BB，結果一個正方向一個反方向，笑話百出！
成功啦～～
一齊畫心心、星星．．．唔錯丫，差唔多大細，幾有默契丫！嘻嘻～～
S & G 都好有意思～～
亂黎一通～～
最後想一個畫心一個畫星，可惜畫得唔好，亦冇煙花再試了！
玩完煙花先係六點多，我地就去左旅遊書有介紹既夥計鴨肉冬粉食晚飯！
旅遊書果然冇推介錯，呢度ｄ鴨肉好正呀！另外，鵝腸都好爽好好味！
食完飯仲有半個鐘鐘胡姨姨先夠鐘接我地，我地就周圍行下，咁岩再見到有煙花買，於是我地買多左兩盒共廿支既畫畫煙花，諗住今晚係露台玩，又或者帶去清境玩都得！之後我地就去左7-11買野飲，點解我坐到咁？因為．．．．
地下有隻小貓咪，佢好慘呀，見人就係咁喵喵喵咁叫，仲會爬上您隻腳度，雖然我好同情佢，但如果佢爬上我度，我都驚呀．．．我見佢咁瘦，喵喵喵咁叫應該都係肚餓，所以分左ｄ牛乳比佢．．．
我一滴落地佢就即刻走去食啦！餓成咁．．．陰功囉～～
聽朝我地就離開墾丁啦，墾丁行程話咁快就完結，真係有ｄ唔捨得，尤其唔捨得個大海呀！睇返地圖，呢兩天我地都去左好多地方，基本上去晒墾丁值得去既景點，每個名勝都留低左我地既足跡，感覺好充實好滿足呢！墾丁呀墾丁呀，我相信我會再同妳見面架！
沒有留言:
張貼留言