2009年11月7日 星期六

2009-11-07 (Sat) 力克胡哲(Nick Vujicic) - 有Faith.可飛


相信好多人都聽過力克.胡哲(Nick Vujicic),佢係一個一出世就冇左四肢既澳洲人,但憑住佢堅強既意志,佢不但活到今日,仲識得騎馬、打鼓、游泳、滑浪、足球等等...上年佢曾第一次黎到香港有分享會,但自己未有機會親身聽佢分享,只係youtbute睇過佢一段好震撼既片,後來我先知佢係基督徒;撇開宗教信仰,因為我知好多人一見到係基督教,覺得又係度傳道,就隔開左自己,唔想聽...但唔講宗教丫,力克為人樂觀幽默、堅毅不屈、熱愛生命,佢咩都可以將困境睇成希望,雖無四肢,但都持守住永不放棄既生命態度,綻放住光輝既人生,淨係呢種精神呢種態度,已經係超堅同值得學習啦!


上年雖冇機會參與力克既真人分享會,今個月佢又再黎香港啦,舉行名為『有Faith.可飛』既分享會;晟晟前排打比我,邀請我同呀欣一齊去睇,我當然即刻應承啦!分享會係博覽館舉行,呀欣搭機鐵搭到熟晒,原來青衣站來回博覽館,優惠半價,即原價$120只係$60;如果係博覽館逗留超過一個半鐘,再減$18,即只係$42來回,好抵呀!



『有Faith.可飛』門票:




我住係青衣咁多年,今次先係第一次搭機鐵咋,所以要影相留念呀!因為我屋企樓下有巴士直達機場,平時出門去旅行,都係搭巴士去機場既,唔會搭咁貴既機鐵架,因為淨係單程去機場都要$60!




去到博覽館,先會合晟晟,原來佢帶埋晟媽媽黎呀!



原來舊同事Monique都有黎,佢係晟晟教會既師姐黎架!




入場啦~~




我好鐘意對天使翼既設計~~



三位司儀,最右個位其實係高皓正,不過只係傻瓜機一部,影唔到呀!




張崇基係獻唱嘉賓,佢唱LIVE既"遇見神",唱得好好聽呀!


 



力克出場啦,sorry,相機影得唔好,但大家都睇得出邊個係力克啦,佢成個分享都係檯上面行黎行去咁同觀眾互動架!



一出場力克同大家打招呼:




影瑩光幕清好多~~



力克身下肉色個舊部份,就係佢成日自稱既『小雞腿』:




力克識用佢隻小腳揭書:



力克表演打鼓係全晚高潮,大家都拍爛手掌!力克隻小腳既打鼓速度,我相信仲快過我隻手呀!



力克真係一個好叻好成功既人,人人會同情佢,但佢根本活得非常精彩,唔需要其他人既憐憫,佢仲以自己為借鏡,激勵其他人,盡佢所能,走遍世界好多地方咁周圍同人分享佢既人生!


至於宗教問題,其實我都信有主耶穌既存在架,只係信心唔夠;睇完今日力克的分享,我自己係度諗,好多野,我地人,係要親身望到見到摸到先會相信,神/主耶穌既存在亦係咁...咁其實係咪一定要見到神/主耶穌先得呢?我望住力克,反而會諗,佢咪做緊主耶穌既野囉?周圍傳神的福音,見過行神蹟既人會信,未見過既人就唔會信;力克亦似做緊主耶穌門徒既野咁,耶穌升天後,佢地繼續傳福音,就好似力克世界各地咁同人分享佢既信心信仰一樣囉!望住力克,一個無可能既驅體,但竟然有無限既可能,當中既真理意義,真係好值得反思!係,亦都有人會講,未必關信仰事啫,一個人夠毅力都可以做到咁!講就易,但當發生係自己身上時,我相信做到力克咁,有幾多人做到呢?我就好有保留喇...力克出身係一個基督教家庭,所以佢既故事,對我黎講,係好有說服力既!



今晚太陽哥哥知道我有節目時,即刻苦瓜乾咁望住我問:咁我夜晚點呀...?我點會唔理佢呢,佢咁辛苦楂車搵錢,我梗係同佢食晚飯先啦!因配合我要去博覽館,我地晚餐就係青衣城食MOS burger!




沒有留言:

張貼留言