今日星期一，難得係閒日兼唔洗返PT，所以夜晚會返太陽爸媽度食飯；既然會返大圍，放工後的時間，梗係搵表姐同諾諾黎個短聚啦！原本仲諗住早放半個鐘，表姐話想去馬鞍山公園，驚宜家入冬好快會天黑．．．誰知公司個會開左好耐，足足兩個鐘，最終頂多只可早走十五分鐘！表姐一落車，就問有冇野食，勁肚餓，要醫肚，我即刻打去guest house，仲係tea time，即刻碌過去食～～
諾諾so far每次見到恩恩，都係開心都唔會唔理我既！
諾諾自己"不"粟米食～～
難得恩恩做攝影師，同媽媽影相先！
我地叫既野食：
唔洗一個鐘，個天由原本天光光變到黑mon mon！餐廳仲因為開始做晚餐，將燈光調暗，諾諾竟然好大聲咁叫人『開燈!!開燈!!』．．．
唯有比"畫畫畫"佢玩，分散佢注意力啦！
諾諾好有創作天分，用手上的蠟筆當奶樽，係度搓下搓下，話沖奶奶喎！
諾諾望住出面個草地，ｄ樹被風吹到郁下郁下，佢又好好奇咁．．．侍應哥哥問佢出去花園玩好唔好？諾諾竟然答：好！仲即刻落地！出面咁黑都唔驚？哦．．．原來出面可以開燈架，開左燈仲好浪漫呢！
今晚個moon仲好大好圓好光呢！
齋睇呢個花園有ｄ森林陰森feel，好在有燈，唔係我都唔想出黎！
咁快就天黑，都冇得去其他公園玩了，最後返姑媽屋企；一返到去，姑媽幫諾諾洗手手先！
洗完右手洗左手～～
諾諾間房有盞新既太陽燈，好大盞架！係宜家買，可惜我屋企換晒燈，唔係我都好有興趣換呢盞燈呀，勁似太陽哥哥！
Barney有首兒歌叫"Mister Sun"，諾諾都好鐘意聽架，我自己都好鐘意呢首歌，因為我覺得呢首係太陽哥哥既歌咁，我仲學緊點唱呢！哈哈～～
諾諾同媽媽話揹．．．嘩．．．小心ｄ喎～～
諾諾的晚餐，我覺得好似飛機餐呀！哈哈～～
餵完諾諾食飯，表姐車我去太陽爸媽屋企，佢就順道接埋表姐夫放工；我一路同諾諾玩緊戴帽同太陽眼鏡，到出門口，諾諾唔除，照戴住出街，個樣好攪笑．．．表姐仲話話似瘋人院，真係好爆笑！哈哈！
相信諾諾一ｄ都唔覺似瘋人院，仲好自得其樂呢！
好耐冇返太陽爸媽屋企食飯啦，呢餐都好豐富，我地仲又食又拎添(帶埋飯!!)！
沒有留言:
張貼留言