今日我地出發去台灣啦！未夠六點就起身，出門口時天都仲未光呢！
去到機場七點三，check-in後即刻入閘，係大家樂食早餐！
我地去高雄會乘搭港龍機，而係台北返黎就會坐國泰機，今次呢個旅程既機票，係asia miles度扣架，所以係免費機票黎架！Yeah～～
呢度係18號登機閘，岩岩係最尾，個view好正呀！
登機啦～～
飛機餐：
天空中～～
早上十點二十就著陸高雄啦～～
辦落地簽證：好囂張既態度呀！
一出閘時勁攪笑，閘門一打開，有個家庭係度等我地呀，個小妹妹手上楂住個"BB"牌，咪係我／太陽哥哥囉？！哈哈～～忍唔住一定要影低去，難得佢地好樂意比我地影，仲一齊望鏡頭笑，可惜太陽哥哥影懞左，又唔好意思影多張啦！
因為機場有捷運站，非常方便，所以我地沒搭的士，離境後直接搭捷運去酒店～～
高雄國際機場站到高雄車站，只係八個站[@NT35]。
買票後就入閘啦～～
捷運內的扶手柱一開三架，又幾好喎，唔洗比人搏懞或者冇位楂！
高雄車站：
高雄舊車站：
地下既畫，太陽哥哥話係floor art喎！
步行約五分鐘，就到我地既飯店啦！
酒店大堂好大啊！
我地的房間亦好大好正呀，同網上既相片一樣，冇花冇假，正！
因為高雄我地只逗留一晚，休息一陣，我地就即刻爭取時間，出發去出名既"夢時代購物中心"！先搭捷運去凱旋站～～
跟住有接駁車到達～～
太陽哥哥有幸坐到車頭位，好似導遊呢！
因為有接駁車，我覺得呢度好似香港既megabox！夢時代頂樓有個大型摩天輪架！
先醫肚，求其係商場入面既唐人街，搵左間拉麵店：
同太陽哥哥食左個豚肉拉麵：
跟住周圍行逛，呢度有日本IKEA之稱既NITORI，仲有生活工房，隔離仲有個統一阪急百貨，好似SOGO咁呢！
最後上左頂樓個遊樂場～～
個摩天輪真係好大好高呀，不過我地冇諗住玩呀！
摩天輪前留影～～
商場外都有個摩天輪：
大招財貓：
行左三個鐘，我地就走啦，臨走前去買好耐好耐冇飲過既木瓜牛乳，好耐冇飲啦，好好味呀！另外仲有台灣新出既桃味Extra！
沒有留言:
張貼留言