太陽哥哥公司每一季都會有次team dinner既，自從上次同佢同事唱過K一齊玩過後，太陽哥哥今次都叫我一齊join埋食飯呀！開頭都心郁郁怕醜架，因為有成十幾人，但呢ｄ奠定sunny嫂地位既派對，梗係要比面出席啦！哈哈～～
我地去左世貿既『丼吉日本吉列專門店』：
呢度要一早訂檯架，唔係有排等，價錢算中上，一個set都接近二百蚊架！
食具＋茶壺(好大個出水位!!)：
芝麻磨碎後加上醬汁，用黎點豬扒既～～
高身個樽係豬扒汁，另外兩個矮樽一個係紫菜汁一個係柚子汁，都係用黎點菜既：
我地有成十二三人，所以要分開兩個卡位坐；呢度私隱度好高，每個卡位都有布簾遮住既，屏風間隔亦好有日本 feel 呢！
一如平時見面時一樣，佢地一見到我就大叫呀嫂啦！今日面對面咁食飯，比上次唱Ｋ更接觸他們多左，終於明白太陽哥哥點解咁鍾意呢班同事啦，因為佢地個個都好多野講好得意好熱情既人，最重要係．．．個個都夠嘈，同太陽哥哥同聲同氣！幾攪笑呀，坐低冇耐，侍應就就走埋黎話：麻煩唔該細聲少少丫！都唔知覺得好笑定好"火羅"．．．
我地同Vivian、Hang、Book、Cherry、Leo、Leo嫂一張檯，睇佢地連影張相都鬼馬過人！
另外一張檯，太陽哥哥同Vivian過去影左張相，我記得個名既有Shek嫂、Shek、Patty、Lawrence．．．跟住金頭髮既子華喎，好似都係姓王／黃架！
呢度ｄset好大份架，不過全部都係吉列架，有蝦、蠔、帶子、豬扒、豬柳，單款又得，雙拼又得，因為個menu幾乎咩組合都有，揀自己鍾意食既就得架啦！我地每人叫一個set，跟住一黎到就換黎換去，咁就試到四款食物啦！
我地呢檯影張大合照先～～
呢份係我既蠔拼蝦，個set都好大份架，飯同菜仲係任添架，包您夠飽！
我地兩pair再影多張先～～
飯後，我地幫子華慶祝埋生日～～
再黎張高難度堅人齊既大合照～～Yeah!!!
沒有留言:
張貼留言