.gif)
食完午餐，下一站就係『國立海洋生物博物館』啦！
其實尋日都問車我地個姨姨，呢度係咪普通水族館咁，無咩特別架，因為我地對海洋生物又唔係勁大興趣；但姨姨話呢度好大，可以行兩三個鐘，會大開眼界架；又話香港人黎完仲話呢度勁過香港個個好多，所以我地最終都黎埋啦～～
入場票連吸印，台灣好興有呢ｄ印放係門口比遊客吸架！
入場後見到幾隻可愛公仔，影下先～～
一齊伸脷～～
嘟咀～～
淨係影呢度都攪左十幾分鐘呢，因為要影晒咁多隻先罷休！嘻嘻～～
博物館前有個大水池，有幾隻鯨魚／鯊魚，好大隻，好壯觀！
國立海洋生物博物館共有兩座博物館，入面只有三個地方：珊瑚王國、台灣水域、世界水域。進入第一個博物館，天花板上吊左好多海洋動物！
先去珊瑚王國～～
嘩．．．落地玻璃好高好大呀～～
呢度有條84公尺長既海底隧道，沿住巨大圓柱型水槽慢慢向前行，就會去到一個150萬加侖既巨型海洋，睇到多采多姿既水底世界！好多魔鬼魚呀～～～
係我頭頂游過．．．嘩嘩嘩～～～好大條呀！！！
短片親體驗：
鯊魚～～不過唔算好大條～～
沉船區域～～
白鯨池～～
好大隻白鯨呀～～
短片親體驗：
跟住我地去台灣水域～～
最吸引係去睇鯊魚～～
呢度有個好大既"大洋池"，玻璃有16x4公尺大，水量100萬加侖，係東南亞最大既單一展示窗黎架！入面條鯨鯊係海洋最大既魚類，係繼日本後，呢度係世界上第二個人工成功飼養鯨鯊既國家！好勁咁～～所以我覺得去墾丁都應該去一次國立海洋生物博物館！
短片親體驗：
行完第一座博物館，出發去第二個，係墾丁一到戶外地方，總係會見到一大片海洋，令人心曠神怡！
跟住經過客戶中心，憑門票可以免費整一個鎖匙扣；我地被帶到一間影相房，入面有堵藍色牆，我地被指示做一ｄ動作，做個時都覺得都幾低Ｂ架，但都要照做架．．．跟住出黎，原來就變成左呢六幅相比我地揀喇！
製成品～～免費的話算係咁啦！
偷看到一對小朋友影相中，又係被指示做一ｄ攪笑動作！哈哈～～
遠處見到呢舊魷魚物體，就係第二座博物館喇！
第二座博物館有世界水域～～
呢度最吸引應該係睇海豹、深海大章魚、企鵝、海鸚鵡，不過海豹今日close左，深海大章魚我地睇唔到呀，但企鵝群真係令我地大開眼界！
原來世界上總共有17種企鵝，呢度展示既已經有五種：王企鵝、紳士企鵝、頰帶企鵝、阿德利企鵝、馬可羅尼企鵝，但唔知呢ｄ名稱係咪國際認可既學名黎呢？
海鸚鵡都係呢個水域，但因為好多企鵝，我都分唔清邊ｄ打邊ｄ．．．
ｄ企鵝好活躍，一野跳落水就係咁游，仲游得好快添架！有ｄ仲好似特登游埋黎玻璃比我睇佢地表演咁，唔驚人既，好攪笑呀！呢隻仲好肥大呢～～
短片親體驗：
同唔到真企鵝合照，唯有同ｄ假企鵝仔影相啦！
我地係呢度一共行左兩個半鐘呀，係出口影埋張相就走啦～～
我覺得黎墾丁，呢度都幾值得去一次架，因為真係好大，同埋睇到ｄ香港無又好珍貴既海洋動物！
沒有留言:
張貼留言