放低行李後，我地就爭取時間出外逛啦，因為台中我地只留一晚！先醫肚，去左旅遊書介紹既"麻辣人家"，係李安話最好味既麻辣火鍋喎！
我地去台灣玩既策略，通常係早食晚飯，跟住行街消化下，夜ｄ就去夜市再戰！宜家下午四點鐘我地就食野啦，好在呢度冇落場時間咋，仲只得我地一檯客人，正！
Menu：
不同既醬油配菜任加選擇：
我地揀左麻辣鍋拼高鈣汕頭鍋，湯底同白飯都係任添架！
每個餐跟一碟蔬菜(最高個塊係超好味既腐皮!!)、一款手打食物、一碟配料、一款肉,，一人一個餐實夠飽！
開餐啦，好好味呀～～添湯底時，仲會添埋湯料，絕不馬虎，好正呀！
食飽就去行街，見到同太陽哥哥有關既鋪頭，影低留念先～～
我地去左諴品綠園道商場，呢楝誠品個外觀其實係滿佈青草架，因黎到時已天黑，影唔到呀！
商場外剛有yahoo知識宣傳，好得意，影低少少同大家分享下！
每部份都有ｄ得意野．．．
除左行誠品外，我地仲有大發現，就係十蚊店呀！呢間DAISO JAPAN仲標榜所有產品係從日本直接輸入架！
我地係度消磨左個幾兩個鐘，因為真係好多野睇，ｄ野又得意，當然都買左ｄ筍野啦！連鑊鏟都買？係呀，因為見到from japan麻，又平又筍，咪買返個囉
！哈哈～～
跟住我地去夜市，係台中只留一晚，所以揀左最出名既逢甲夜市，亦係咁先搵間近呢度既酒店住！
呢度除左食物檔外，仲有好多賣衫既鋪頭，買左兩對船襪！
食野方面，我地買左花枝丸、碳烤麻糬、鹽水雞、50嵐珍珠奶茶！
見到成龍雞排．．．大哥呀！
仲有冒牌 KFC？！
沒有留言:
張貼留言