.gif)
跟住我地去左墾丁另一邊既恆春鎮，呢度係另外一個好多台灣人住既地方；我冇睇過海角七號，但原來好多場景都係呢度拍，所以負責車我地既姨姨，都帶我地去左好多地方，比如呢個『茂伯之家』，我都唔知咩黎架，但見人影相我地又影，唔好執輸麻！哈哈～～
恆春鎮有分東南西北門，四面都有堵小城牆，我地四個門都有經過，不過只影了東門，因為好曬呀！個天對我地真好，尋日黎先天陰陰，今日知我地全日四出遊覽，就比個晴天我地！
又係同海角七號有關既『阿嘉之家』，應該係女主角住既地方掛～～
門口有小檔口賣東西：
郵筒上印左海角七號既愛情故事，細看先知，原來阿嘉係男主個名，我仲以為係女主角呢！哈哈～～
紙牌現場感覺都幾真架～～
之後我地出發去後壁湖港口，會係個度食魚生！途經大風車位置，車我地個姨姨話一陣ｄ景睇風車會好細，呢個位落車影幾張相先，因為呢度睇最大了！
到達後壁湖港口～～
呢個市場唔算好大，日本個ｄ真係大好多，不過呢度ｄ海鮮魚生都出名新鮮美味既！我開頭以為會有其他貝殼類刺生，點知冇架．．．只得魚生！唉～～
因為冇刺生岩我食，我地最後只叫少少餸食就算了，太陽哥哥就食左碟三文魚刺身！
個炒蜆真係好美味鮮甜，個個殼都有肉，仲係大大隻，絕無欺場，勁好食！
菜一般，起碼係正常味道，好味過尋日間墾丁小店多十倍！
至於個蜆湯，其實係車我地個姨姨推介既，但我地覺得薑味過多過濃，唔太岩我地口味．．．個姨姨仲話試過就知我地平時既湯幾咁出色．．．em．．．但我見隔離檯對台灣情侶真係係咁飲係咁飲，仲飲晒全鍋，但我地真係麻麻地，太大陣薑味啦，我估都係口味太不同吧，最後我地只係食晒ｄ蜆！
沒有留言:
張貼留言