充滿歡欣的十二月終於到啦，我諗大部份人，包括我自己，都幾鐘意十二月的，有聖誕、除夕、跟住新年，成個月都會充滿住聖誕同新年氣息，仲會有好多活動呢！由於大學24同31號係可以唔洗返工的，所以我就請左27 & 28兩日假，咁就會由22/12放到1/1了，呢咪好正呢？嘻嘻~~ 係度希望各位朋友都開開心心咁過十二月的每一日，儲定energy迎接聖誕啦！
呢幾星期溫度跌左好多，平時用開的cream都唔夠潤，但有次無意下係太陽哥哥屋企用左太陽媽媽的cream，好好用呀，好滋潤，佢話係佢做開facial間shop買既，種種皮膚都岩；尋日太陽媽媽就幫我買左喇，咁我可放係屋企，媽咪細妹又用到；但太陽媽媽唔肯收返我錢，攪到我好唔好意思；今朝我就問佢，呢兩日如果佢唔洗打牌，就一齊食飯請返佢食野，去食泰國餸；點知佢話佢weekend實會打牌咁滯，問我係咪唔當佢係自己人要咁唔好意思喎．．．"自己人"呢個字，令到我好開心呢！嘻嘻~~ 太陽哥哥跟住仲用"自己人呀"黎玩我呢！
到下午，我地去左旺角睇下其他旅行社的日本團，都係冇咩決定到，只係每間旅行社的日本章程都拎晒先，然後約victor一齊出黎研究；最深印象係喺康泰的介紹，個職員好好人，佢係日本導遊黎既，所以介紹得好詳盡，亦比左好多意見我地，仲叫我地唔好報團住，因為一月ｄ機未出，宜家報一定係要經東京再飛北海道，即要坐內陸機晒左好多時間，佢話日本airline要過埋聖誕先會出資料，佢估計點都會有直航機，只係聖誕後先知．．．佢話北海道如果自由行，只可玩"道中"方向，如果想玩埋道北／道東，大部份都要跟團，因為點到點要幾個鐘頭，自己係好難玩晒的，亦係佢口中所講的震撼團，因為會睇到冰海、大雪山、大瀑布．．．道中玩法就係享受團，因為都係enjoy浸溫泉同滑雪既．．．
聽完佢介紹，既然佢都唔似其他sales咁引我地報團，我地都覺得佢講ｄ野都信得過，所以都係睇定ｄ同再商量下先；因為初步太陽哥哥同victor都對享受團偏向多ｄ，如果只係道中咁玩，或者又可再考慮自由行．．．
之後約埋細妹食飯，咁之後可一齊去碌齡，我地又去左食泰妃雞！
跟住仲有時間，同要等埋BEN，我地就去左朗豪坊行陣，點知被聖誕燈飾吸引住，都冇去行街呢！好靚呀，ｄ燈仲會變色呢，一時綠，一時藍，一時紫．．．
不過好多人，好難影到ｄ冇路人既相．．．不過都影到ｄsweet sweet合照！
係小巴站等BEN時，發覺細妹買左好cute的口水肩比軒軒BB，我地係係度扮BB影相，好攪笑呢！
之後收到休打黎話荃灣齡場維修唔夠lane，改去美孚玩，點知好貴呀，$3xx一條lane任打兩粒鐘，但我地八個人，一條lane玩兩個game16局好似好"炆"水，所以開左兩條lane，四個人一條打兩粒鐘，最終我打到好攰呀，都唔打了，基本上我平時只打到兩局，到第三局都會冇力同打得唔好既；而今晚每人消費$90蚊，比平時多出一倍有多呀！最唔開心今日原本係有比賽的，諗住好齊人可六對六對打，點知都有三四個黎唔到，比賽唔到添，白白晒左袋住ｄ禮物成日的心機，唉！呢張八位碌齡英姿圖係細妹影架，但我一ｄ都唔知佢做過件咁既事，返到屋企先知咋，又幾攪笑喎！
呢度雖然貴ｄ，但個場新ｄ，lane亦上得好快，ｄ波又回得好快，速度係勁過荃灣好多既；但唔知係咪ｄ lane太新太滑，ｄ 波成日都會有西既，好難控制碌到直線！所以有得揀，都係荃灣平lane岩我多ｄ喇！
沒有留言:
張貼留言