聖誕好快就過左啦，過多幾日就係除夕，2007年得返幾日咋！
今日都28號了，我咪講過我寄出晒ｄ聖誕咭既，但聖誕咭既真身，從來未係度曝過光；今年的聖誕咭好有意思，我亦曾經多次提及過想跟大家分享：
http://hk.myblog.yahoo.com/aquarius-givens/article?mid=3318
經過幾個小時的努力，太陽哥哥終於完成了今年聖誕咭的手稿；話過秘密比大家知，佢今年張聖誕咭係我既idea黎架，為左鳴謝我，到時仲會．．．係度賣個關子先啦，其實我好想比個手稿大家睇架，不過驚到時您地收到唔夠驚喜，唯有要大家忍多一個月先，到時密切留意啦！
http://hk.myblog.yahoo.com/aquarius-givens/article?mid=3539
今餐好豐富呢！太陽哥哥的聖誕咭亦大勁告成，我梗係勁鐘意啦，因為係用我既idea畫架麻，難得佢又滿意，佢仲話我跟住佢，會越來越有design sense，係咪架？我覺得我一向都有喎，哈哈！好，今餐就當係慶功啦！不過佢跟住又要work on年曆咭了，努力呀！真係好想同大家分享呢張聖誕咭架，但又要好似上次咁，為保神秘感，要忍住，仲有半個月多ｄ就會收到架啦，忍多陣啦！又一次睇住太陽哥哥用手親自起稿，係電腦度加線條，上色，加陰影，一筆一畫，尤如一針一血咁，當中的心血，希望每位朋友都感受到！等住啦~~
http://hk.myblog.yahoo.com/aquarius-givens/article?mid=3977
張張都親手寫晒祝福字句，絕無欺場架！封面唔post住，留返個surprise比大家！今年張聖誕咭，我都有份製作架，即係點？留比大家係張咭度搵啦！今年的聖誕咭我好鐘意，好想同身邊朋友分享，所以加左ｄ新朋友，個個見我問地址就問我咩事，好奇怪咁．．．我想保持神秘感，無理由話您知姐，係咪？放心啦，如果我派帖，唔會咁無禮貌唔講聲就咁寄去您屋企架！
之前都係為左增加神秘感，所以唔post出黎，但我估朋友們都收到了，係時候係度公開啦！
點解咁有意思？我都提過，因為呢個idea係我諗架，亦係太陽哥哥第一次底面都有公仔的聖誕咭！我叫過大家搵下有咩surprise，大家搵到未呢？就係．．．咭底下有我個大名架！wakakakakkaka~~ 好威呀，我真係超級開心架！
咭外：
咭內：
上面係電腦稿，原本好colourful的，但今年揀了另一款紙質印，印好後我同太陽哥哥都唔係咁滿意，仲有ｄ失望呢，因為封面左面的藍色，似甩色多過漸變色．．．就如下面大家收到的實物一樣．．．所以我更加要係度post個original出黎比大家睇返！今年印錯了顏色，望大家多多見諒！
太陽哥哥每次製作，都會先用手親自係白紙起稿，然後scan落電腦度，跟住係電腦個file度加線條，上色，加陰影，一筆一畫．．．我曾經講過，一筆一畫，尤如一針一血；當中真係有好多心血，相信每位朋友都會感受到！每次佢將手稿scan落電腦後，就會將ｄ手稿"pet"埋一邊；但我每次都會珍而重之，成個垃圾婆咁；我覺得起碼影返張相留念先麻，咁可以記錄低製成品的製作過程麻！佢有ｄ製成品既手稿已經遺失左呢，真係"side"晒！
除左2007 Christmas Card外，2008 Calendar Card都想係度同大家分享！
手稿：真係細微到波鞋繩，甚至ALL STAR個logo都有畫架！
電腦稿：好記得太陽哥哥畫對converse時，係拎左我隻真converse(因為細隻ｄ輕ｄ)，用大脾夾住，向下望一下，跟住向上(電腦)畫一下．．．當時我係佢側邊用緊lab top，佢就用緊mac機，睇住佢一筆一筆咁完成，真係好amazing！
真稿：印時跟往年一樣，紙質冇變，都係用返光面紙，所以同電腦稿一樣，非常滿意！
呢張Calendar Card係太陽哥哥諗既，我知道，佢好想比我多ｄ堅定既諗法，當中的含意，我當然收到，亦氹到我好感動！對我，今年的Calendar Card當然好有意義；但對身邊的朋友，相信舊年個張會鐘意多ｄ，呢張通常收到會覺得：呀，好靚噃，畫得好detailed；但上年個張一男一女人頭，我諗係兩個人頭公仔好colourful同得意的關係，收到的朋友都好開心好鐘意，加上大家又可當個公仔係自己咁；記得舊年好多朋友都問我要多一張，因為我比佢個張都比屋企人／男女朋友搶奪左，哈哈！太陽哥哥每次先印一盒一百張，真係差ｄ唔夠派呀！
今年第一次收到我聖誕咭的朋友，可能未見過上年的Calendar Card，賣開廣告唔爭在賣多樣啦！以下就係上年Calendar Card的手稿同真稿！
呢兩年的Calendar Card，都會係我一個好好的回憶，點解咁重要？因為意義對我真係好大，太陽哥哥多年來都有畫Calendar Card，曾經有篇entry提過佢以前的design(http://hk.myblog.yahoo.com/aquarius-givens/article?mid=1398)，睇返就知佢以前的Calendar Card只係會畫佢自己一個男仔嘜頭上去，佢都有拍過拖，但從黎都冇諗過加個女仔上去，講真，畫公仔係佢強項，加個女仔容咩易，實冧死添，但就係咁冧女的動作，佢一路都冇做過，因為冇信心，衰ｄ講，in case唔一齊時，睇到咪．．．Calendar Card仲係派比朋友喎，費事啦；直至舊年，第一次加左一個女仔，即係我，上去佢既Calendar Card度，其實舊年，我已經冧到暈左啦；跟住到今年．．．意義我唔洗點再講啦，所以，我會好好珍惜呢個回憶！
講完艱辛的製作過程，相信各朋友都收到太陽哥哥的心血加埋我既心意喇，咁係時候到我講"多謝"囉喎！
每年寫聖誕咭時，目的當然係想收到的朋友感到驚喜同開心啦！但收到之餘，我都希望佢地比返feedback我，唔係話要送返張聖誕咭比我，但至少，我係好希望您同我講聲收到，唔係我真係會諗究竟您收唔收到架？還是我寫錯地址呢？您唔講，呢個永遠係一個謎；我又唔係幾好意思開口問您收唔收到我寄比您既聖誕咭喎．．．
不過，每年又真係有好多呢ｄcase．．．邊個我唔講啦，我只係想借今次多謝比返feedback我的朋友！
方法有好多種，最開心當然係收到朋友的聖誕咭啦，有幾位朋友同我一樣，咁多年都堅持住呢個理念，佢地寄比我，亦唔係因為收到我個張先寄既，我係知佢地每次實會寄比我既；Tracy, Tony, Elsa, Armand, Mr. Poon, 多謝您地！仲有今年新朋友Angela，仲要特別多謝您影晒我張聖誕咭相兼post晒係自己blog度咁多謝我，您太客氣了！最估唔到係幾年前的學車師傅，佢唔見左我電話，只有我地址，竟然寫左封信黎多謝我，真係最意想不到！
親口打電話黎同我講的朋友亦好有誠意呢，就係呀健，佢好攪笑地睇我blog知道我寄出了好多張聖誕咭，好想知自己有冇份，就特登落去信箱睇下，佢個晚仲係夜機去honeymoon呢，佢話臨走都要check下收唔收到，好在收到咋咁話；同佢仲講左好耐，好耐冇試過了，多謝您！仲有ronnie, sarah, philip, alex & karen, 您地係見面時親口同我講既，多謝您地！
跟住有email或者msn或者sms同我講多謝的朋友，有好多，希望我冇漏：休, Pat, Trista, Jimmy Kok, Fook, Nora, Jansen, Rainy, Sa, Jacky, Didi, Phoebe Y., 多謝您地！
仲有e-card from Phoebe M.同Yammy，多謝您地！
I love you all!!
沒有留言:
張貼留言