今朝一起身，見到太陽媽媽係廳度幫我縫緊甩左一粒鈕件外套呀．．．話說係尋晚碌齡後，返到黎好夜啦，咩都pet晒係廳檯面，包括甩左粒鈕；太陽媽媽今朝見到，又好醒目咁搵到我係邊件外套甩左鈕，就幫我縫啦．．．好感動，因為大個女後，係屋企有咩都係我自己補的，媽咪好少會主動幫我，今次見到太陽媽媽咁幫我，真係覺得好warm，真的真的．．．太陽媽媽其實都蠻錫我的，ｄ人講婆媳關係講到咁得人驚，但自我一路觀察以來，太陽媽媽真係一個幾好幾識做的媽咪，對我又好，令我覺得婆媳關係係咪真係咁可怕呀？我甚至又唔係好怕or好抗拒一齊住添，對我，有人照顧仲好啦．．．唔知呀，可能以前其他媽咪都蠻痛錫我架，我估都係人夾人姐，我個人咁隨和，又識氹人，自然得人錫啦，哈哈！不過太陽哥哥話有時夾都代表一ｄ問題都冇，因為有時係生活習慣上的問題，所以最好真係唔好一齊住喎，同埋新婚都想二人世界啦！佢講得都有道理，不過冇所謂啦，反正呢ｄ大決定我都唔會點楂fit既，最緊要唔好令我難做同令我媽咪舒服就得架啦！
講返今日的希望工程，太陽哥哥屋企原本係客廳同太陽爸爸媽媽房先有冷氣機的，今日就係要將太陽爸爸媽媽房的冷氣機移到太陽哥哥的房，跟住太陽爸爸媽媽房會換上另一部冷氣機！
食過早餐醫飽肚後，希望工程開始，我只係被安排一ｄ簡單的任務，比如幫手搬下野，將ｄ衣物收埋係櫃入面，總之減少物件會接觸到灰塵既機會啦！
影下變身前先．．．睇下幾有書卷味！（滴晒汗．．．呢句係太陽哥哥迫我打架！）
之後費事阻住師傅做野，我地就出左走廊hea，係間唔中太陽哥哥要入屋幫手搬搬抬抬；我地係走廊都自得其樂，玩下nds
係我沉醉nds既時候，太陽哥哥突然叫我，我唔係咁情願咁拎轉面啦，點知．．．哈哈哈哈．．．有表演睇，大家睇下！
點解太陽哥哥件衫咁既？
咁樣睇係咪會明ｄ？
哈哈哈哈．．．係咪好好笑呢？仲有movie呢！
太陽哥哥係個極度活躍兼曳的大細路，成日周圍跳周圍踢，乜野落係佢手上都可以玩一大餐．．．跟住我拍低佢玩踢拖鞋，點次其中一次我差ｄ中招呢！哼，豈有此理！
係呢幾個鐘的下午，我地都渡過左一個開心時光，仲有下午茶食呢！
壯舉完成，變身後．．．
太陽媽媽三點就去左打牌，所以我地夜晚同太陽爸爸一齊食，佢提議去樓下新開的地道打邊爐，講左好多次都未試到，因為都唔知好唔好食，次次落到去又食左其他野，今次亦一樣，心郁郁都係想去返酒樓打邊爐任食，但我就建議過去新個間望望先，唔試過唔會死心麻！全靠我咋，因為望到都ok大碟，所以我地就試左啦！
我地點左呢個$88二人餐，再另外叫左ｄ野食，又有蝦，又有蠔，一ｄ都唔求其，好大碟呢！食落ｄ野亦好新鮮，下次要叫埋太陽媽媽先得，咁就可以試下個四人餐，有成七八樣碟野食架！
沒有留言:
張貼留言