今朝得我一個，我訓到自然醒，真係好爽，係成個假期訓得最舒服的一日呢！跟住煮左公仔麵，食完再訓，連休都話我係豬呢！但我真係好攰，可能呢個假期太充實了，日日都有節目，好full，攪到我唔夠訓！訓到四點幾起身過銅鑼灣睇醫生，跟住去接太陽哥哥放工，我地約左媽咪食飯呀！
今日呢餐晚飯，媽咪好早已book左我地，太陽哥哥仲mark埋係schedule book度，勁！為方便大家，我地去左泉章居食，試到好耐都冇試過的鹽焗雞，仲有炸鮮奶球，真係好好味！不過真係好多人，又冇得訂檯，約左八點半，好在我同太陽哥哥八點黎到攞左飛先，都要八點九先有檯；如果八點半先到，真係唔知等到幾點先有得食！
今日琪琪楂機，一影太陽哥哥時佢又玩野單晒眼，再影時特登唔數一二三，點知都係避唔到，又比太陽哥哥成功；唉．．．我平時咪就係咁囉．．．激死！
太陽哥哥既裝束型嗎？裇衫同冷衫都係我買架，可惜睇唔到全身，呢個look係我幫佢塑造架，好有designer feel 呢，嘻嘻~~ 呢幾日一共買左三件冷衫送比佢呢！
呢個chip n dale衣袈係太陽哥哥買比我掛野既，又多一樣chip n dale珍藏了！
前幾日我買左盒royce xmas禮盒裝，諗住同太陽哥哥一齊試，因為有好多款，咁就可以一次過可以試食好多款，好味先返買，唔怕成日想試新味，但又怕買一盒唔岩食就晒錢了！相中的兩張咭，係我同太陽哥哥互相送比對方的！
講開royce朱古力，月中時我咪買左一盒送比太陽哥哥既(http://hk.myblog.yahoo.com/aquarius-givens/article?mid=3953)，我偷偷放左係佢背囊個暗格；如我所料，個懞人真係兩日都發現唔到；要我問佢呢兩日冇用紙巾咩，佢先知．．．激死我！佢仲同我講，其實佢覺得呢兩日個背囊好重，但打開望過(大格個格)，又明明冇咩野喎．．．唉．．．真係笑死人，哈哈！
沒有留言:
張貼留言